ചെന്നൈ: തമിഴ് നടനും സംഗീത സംവിധായകനുമായ വിജയ് ആന്റണിയുടെ മകള് ആത്മഹത്യ ചെയ്തു. പ്ലസ് ടു വിദ്യാര്ഥിനിയായ മീര (16) ആണ് മരിച്ചത്. പുലര്ച്ചെ മൂന്നു മണിയോടെയാണ് വീട്ടിലെ ഫാനില് തൂങ്ങി മരിച്ച നിലയില് കണ്ടെത്തിയത്. ഉടന് ചെന്നൈയിലെ സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. മാനസിക സമ്മര്ദം മൂലമാണ് ആത്മഹത്യ ചെയ്തെന്നാണ് വിവരം. കുട്ടി ഇതുമായി ബന്ധപ്പെട്ട ചികിത്സയിലായിരുന്നെന്നാണ് റിപ്പോര്ട്ട്.
ഇന്നു പുലർച്ചെ മൂന്നിന് ചെന്നൈ ആൽവാർപേട്ടിലെ ടി.ടി.കെ റോഡിലുള്ള വീട്ടിലാണു മുറിക്കകത്ത് കുട്ടിയെ ഫാനിൽ തൂങ്ങിയ നിലയിൽ കണ്ടെത്തിയത്. ഉടൻ തന്നെ മൈലാപൂരിലെ ആശുപത്രിയിലെത്തിച്ചെങ്കിലും ഡോക്ടര്മാര് മരണം സ്ഥിരീകരിക്കുകയായിരുന്നു. സംഭവത്തിൽ മൈലാപൂർ പൊലീസ് അസ്വാഭാവിക മരണത്തിനു കേസെടുത്തിട്ടുണ്ട്.
തമിഴ് സിനിമയിൽ നിർമ്മാതാവ്, നടൻ, സംഗീത സംവിധായകൻ, ഗാനരചയിതാവ്, എഡിറ്റർ, ഓഡിയോ എഞ്ചിനീയർ, സംവിധായകൻ എന്നീ നിലകളിൽ വിജയ് ശ്രദ്ധനേടിയിട്ടുണ്ട്. തന്റെ ആരാധികയായ ഫാത്തിമയെയാണ് താരം വിവാഹം കഴിച്ചിരുന്നത്. ഇവർക്ക് ലാറ എന്ന പേരിൽ ഒരു മകൾ കൂടിയുണ്ട്.