മനാമ: റോയൽ ബഹ്റൈൻ നേവൽ ഫോഴ്‌സിന്റെ “ഡോൺ ഓഫ് സ്റ്റോംസ് 27” തന്ത്രപരമായ നാവിക അഭ്യാസം സമാപിച്ചു. ഹ്യൂമൻ റിസോഴ്‌സ് ചീഫ് ഓഫ് സ്റ്റാഫ് അസിസ്റ്റന്റ് മേജർ ജനറൽ ഷെയ്ഖ് അലി ബിൻ റാഷിദ് അൽ ഖലീഫ ചടങ്ങിൽ പങ്കെടുത്തു. ബഹ്റൈൻ ഡിഫൻസ് ഫോഴ്‌സ്, ആഭ്യന്തര മന്ത്രാലയത്തിന്റെ കോസ്റ്റ് ഗാർഡ്, നാഷണൽ ഗാർഡ് എന്നിവയിൽ നിന്നുള്ള യൂണിറ്റുകളും ചേർന്നാണ് റോയൽ ബഹ്റൈൻ നേവൽ ഫോഴ്‌സ് (ആർബിഎൻഎഫ്) അഭ്യാസം നടത്തിയത്. നാവിക പോരാട്ട പ്രവർത്തനങ്ങൾ ആസൂത്രണം ചെയ്യുന്നതിനും തയ്യാറാക്കുന്നതിനും ലക്ഷ്യമിട്ടുള്ള കമാൻഡ് ആൻഡ് കൺട്രോൾ നടപടിക്രമങ്ങളെക്കുറിച്ചുള്ള പരിശീലന പ്രവർത്തനങ്ങൾ ഇതിൽ ഉൾപ്പെടുന്നു.