മനാമ: ആഭ്യന്തര മന്ത്രി ജനറൽ ഷെയ്ഖ് റാഷിദ് ബിൻ അബ്ദുല്ല അൽ ഖലീഫ തുറന്ന ജയിൽ സമുച്ചയം സന്ദർശിച്ചു. ബഹ്‌റൈനിലെ മനുഷ്യാവകാശങ്ങൾ പ്രോത്സാഹിപ്പിക്കുന്നതിനായി ജനറൽ ഡയറക്‌ടറേറ്റ് ഓഫ് വെർഡിക്റ്റ് എൻഫോഴ്‌സ്‌മെന്റ് ആൻഡ് ആൾട്ടർനേറ്റീവ് സെന്റൻസിങ് നടപ്പാക്കുന്ന തടവുകാരുടെ സാഹചര്യവും തുറന്ന ജയിൽ പദ്ധതിയുടെ പുരോഗതിയും പരിശോധിക്കുന്നതിനാണ് സന്ദർശനം. തുറന്ന ജയിൽ പദ്ധതിയുടെ ഗുണഭോക്താക്കൾക്ക് നൽകുന്ന പുനരധിവാസ, പരിശീലന പരിപാടികളെക്കുറിച്ചും സേവനങ്ങളെക്കുറിച്ചും ഡയറക്ടർ ജനറൽ ഓഫ് വെർഡിക്റ്റ് എൻഫോഴ്‌സ്‌മെന്റ് ആന്റ് ആൾട്ടർനേറ്റീവ് സ്റ്റെൻസിംഗ് ഷെയ്ഖ് ഖാലിദ് ബിൻ റാഷിദ് അൽ ഖലീഫ, ആഭ്യന്തര മന്ത്രിയോട് വിശദീകരിച്ചു. ബദൽ ശിക്ഷാ പദ്ധതിയുടെ വിജയത്തിന്റെ തുടർച്ചയായാണ് ഇത് വരുന്നത്.