മദ്യപാനവും വിൽപനയും ഭാര്യ ചോദ്യം ചെയ്തു; പ്രകോപിതനായ ഭർത്താവ് വീട് കത്തിച്ചു, ഗ്യാസ് സിലിണ്ടർ പൊട്ടിത്തെറിച്ചു

അമ്പലപ്പുഴ: മദ്യപാനവും മദ്യവിൽപ്പനയും ഭാര്യ ചോദ്യം ചെയ്തതിന്റെ പേരിൽ ഭർത്താവ് വീടിന് തീയിട്ട ശേഷം ഒളിവിൽ പോയി വീട് പൂർണമായും കത്തിനശിച്ചു തൊട്ടടുത്ത ഷെഡും ഷെഡിൽ സൂക്ഷിച്ചിരുന്ന മത്സ്യ ബന്ധന ഉപകരണങ്ങളും തീയിൽപ്പെട്ടു.വീട്ടിലെ ഗ്യാസ് സിലിണ്ടർ പൊട്ടിത്തെറിക്കുകയും ചെയ്തു.പുറക്കാട് പഞ്ചായത്ത് 18-ാം വാർഡ് കരൂർ അയ്യൻ കോയിക്കൽ ക്ഷേത്രത്തിന് വടക്ക് പുതുവൽ വിജയനാണ് വീട് മണ്ണെണ്ണയൊഴിച്ച് കത്തിച്ചത്.അനധികൃത മദ്യവിൽപ്പന നടത്തിയതിനെത്തുടർന്ന് പൊലീസ് പിടികൂടിയ വിജയൻ റിമാൻഡ് കാലാവധി കഴിഞ്ഞ് 3 ദിവസം മുൻപാണ് പുറത്തിറങ്ങിയത്.