ചാർട്ടേർഡ് വിമാനം – കൊറോണ നെഗറ്റീവ് സർട്ടിഫിക്കറ്റ് നിർബന്ധമാക്കി

റിയാദ് : സൗദി അറേബ്യയിൽ നിന്നും കേരളത്തിലേക്ക് യാത്ര ചെയ്യുന്നവർക്ക് കൊറോണ നെഗറ്റീവ് സർട്ടിഫിക്കറ്റ് നിർബന്ധമാക്കിയാതായി സൗദിയിലെ ഇന്ത്യൻ എംബസ്സി വെബ്സൈറ്റിലൂടെ പ്രസിദ്ധീകരിച്ചു. കേരളത്തിലേക്ക് യാത്ര ചെയ്യുന്നവർക്ക് മാത്രം കൊറോണ നെഗറ്റീവ് സർട്ടിഫിക്കറ്റ് ജൂൺ 20 മുതൽ നിർബന്ധമായും എടുത്തിരിക്കണം എന്ന് ഇന്ത്യൻ എംബസ്സിയുടെ അറിയിപ്പിൽ വ്യക്തമാക്കിയിട്ടുണ്ട് . മറ്റ് സംസ്ഥാനങ്ങൾക്ക് ഈ നിബന്ധന ബാധകം അല്ല. വന്ദേ ഭാരത് മിഷൻ ഭാഗമായുള്ള വിമാന സർവീസുകൾക്ക് പുറമെ വിദേശത്ത് കുടുങ്ങിക്കിടക്കുന്ന ഇന്ത്യൻ പൗരന്മാരെ സ്വദേശത്തേക്ക് കൊണ്ടുപോകുന്നതിനായാണ് ചാർട്ടേഡ് ഫ്ലൈറ്റുകളുടെ പ്രവർത്തനത്തിന് ഇന്ത്യൻ സർക്കാർ അംഗീകാരം നൽകിയത്.