വി.എസ്.സുനില്‍കുമാറിനെ സിപിഐ സംസ്ഥാന എക്സിക്യൂട്ടിവില്‍ ഉൾപ്പെടുത്തിയില്ല

തിരുവനന്തപുരം: മുൻ മന്ത്രി വി.എസ് സുനിൽ കുമാറിനെ സംസ്ഥാന എക്സിക്യൂട്ടീവിലേക്ക് പരിഗണിക്കാതെ സി.പി.ഐ. സുനിൽകുമാറിനെ ദേശീയ കൗൺസിലിൽ പരിഗണിക്കുന്നതും സിപിഐ തഴഞ്ഞിരുന്നു. ഇ ചന്ദ്രശേഖരൻ, പി പി സുനീർ എന്നിവർ അസിസ്റ്റന്‍റ് സെക്രട്ടറിമാരാകും. എക്സിക്യൂട്ടീവിൽ ജി.ആർ അനിൽ, ആർ രാജേന്ദ്രൻ എന്നിവരടക്കം ആറ് പുതുമുഖങ്ങളെയാണ് ഉൾപ്പെടുത്തിയിരിക്കുന്നത്. കമല സദാനന്ദൻ, കെ.കെ. അഷ്റഫ്, സി.കെ. ശശിധരൻ, ടി.വി. ബാലൻ എന്നിവരാണ് മറ്റുള്ളവർ.