ദുബായ്: ടി20 ലോകകപ്പിൽ പാകിസ്ഥാനെതിരായ മികച്ച പ്രകടനത്തോടെ വിരാട് കോഹ്ലി ഐസിസി ടി 20 ബാറ്റിംഗ് റാങ്കിംഗിലെ ആദ്യ പത്തിൽ തിരിച്ചെത്തി. 14-ാം റാങ്കുകാരനായിരുന്ന കോഹ്ലി അഞ്ച് സ്ഥാനങ്ങൾ മെച്ചപ്പെടുത്തി ഒൻപതാം സ്ഥാനത്തെത്തി.
849 പോയിന്‍റുമായി പാകിസ്ഥാന്റെ മുഹമ്മദ് റിസ്വാൻ ആണ് ഒന്നാം സ്ഥാനത്ത്. 831 പോയിന്‍റുമായി ന്യൂസിലൻഡിന്‍റെ ഡെവോണ്‍ കോണ്‍വെയാണ് രണ്ടാം സ്ഥാനത്ത്. 828 പോയിന്‍റുള്ള സൂര്യകുമാര്‍ യാദവ് ആണ് മൂന്നാം സ്ഥാനത്ത്.
വിരാട് കോഹ്ലിയാണ് ഞായറാഴ്ച പാകിസ്ഥാനെതിരെ ഇന്ത്യയെ 4 വിക്കറ്റ് ജയത്തിലേക്ക് നയിച്ചത്. 53 പന്തിൽ ആറു ബൗണ്ടറികളുടെയും 4 സിക്സറുകളുടെയും അകമ്പടിയോടെ പുറത്താകാതെ 82 റൺസ് ആണ് കോഹ്ലി അടിച്ചെടുത്തത്.