മനാമ: വനിതകളുടെ പുതിയ ബാച്ചിന്റെ റിക്രൂട്ട്മെന്റിന്റെ ഭാഗമായി ബഹ്റൈൻ ഡിഫൻസ് ഫോഴ്‌സ് (ബി.ഡി.എഫ്) ബിരുദദാന ചടങ്ങ് നടത്തി.
ഹ്യൂമൻ റിസോഴ്‌സ് അസിസ്റ്റൻ്റ് ചീഫ് ഓഫ് സ്റ്റാഫ് മേജർ ജനറൽ ഷെയ്ഖ് അലി ബിൻ റാഷിദ് അൽ ഖലീഫ ചടങ്ങിൽ പങ്കെടുത്തു.
വിശുദ്ധ ഖുർആനിൽ നിന്നുള്ള ഒരു സൂക്തത്തിന്റെ പാരായണത്തോടെയാണ് ചടങ്ങ് ആരംഭിച്ചത്. തുടർന്ന് കോഴ്‌സിൻ്റെ സൈദ്ധാന്തികവും പ്രായോഗികവുമായ ഘടകങ്ങൾ ഉൾപ്പെടുത്തിയുള്ള ഒരു അവലോകന പ്രസംഗം നടന്നു.
തുടർന്ന് ബിരുദധാരികൾ സൈനിക ഫീൽഡ് ഡ്രിൽ നടത്തി. അവർക്ക് നിയമപരമായ പ്രതിജ്ഞ ചൊല്ലിക്കൊടുത്തു.
ചടങ്ങിൻ്റെ സമാപനച്ചടങ്ങിൽ ഹ്യൂമൻ റിസോഴ്‌സ് അസിസ്റ്റൻ്റ് ചീഫ് ഓഫ് സ്റ്റാഫ് ബിരുദധാരികൾക്ക് സർട്ടിഫിക്കറ്റുകളും മികച്ച വിജയം നേടിയവർക്കുള്ള അവാർഡുകളും വിതരണം ചെയ്തു.
