മനാമ: വാർഷിക ജനറൽ ബോഡി യോഗം മനാമ ഗ്രീൻ പാർക്ക് റെസ്റ്ററന്റ് ഹാളിൽ വെച്ച് നടന്നു. പങ്കെടുത്ത എല്ലാ മെമ്പർമാരും ചർച്ചകളിൽ സജീവമായി പങ്കെടുത്തു. ഗ്രൂപ്പിൻറെ പ്രവർത്തന ശൈലി തന്നെ മാറ്റം കുറിക്കുന്ന സുപ്രധാന തീരുമാനങ്ങൾ കൈക്കൊള്ളാൻ സാധിച്ചു. കോവിഡ് പ്രതിസന്ധി, ഈ വർഷവും ഗ്രൂപ്പിൻറെ സുഗമമായ പ്രവർത്തനത്തെ ബാധിച്ചു. എന്നിരുന്നാലും പ്രതിസന്ധികൾ തരണം ചെയ്ത് കൊണ്ട് ഇവിടെയും നാട്ടിലും നല്ല രീതിയിൽ തന്നെ ജീവ കാരുണ്യ പ്രവർത്തങ്ങൾ കാഴ്ച വെക്കാൻ സാധിച്ചതായി യോഗം വിലയിരുത്തി.
2022-2023 വർഷത്തേക്കുള്ള എക്സിക്യൂട്ടീവ് അംഗങ്ങളായി അബ്ദുൽ ഖാദർ കേളോത്ത്, സിറാജ് മഹമൂദ് പി. കെ, നൗഫൽ ചെട്ടിയാരത്, ശഹീദ് കെ , റയീസ് ടി.സി ,ഇക്ബാൽ ചെട്ടിയാരത് ,ഹാരിസ് വി .സി എന്നിവരെ തെരഞ്ഞെടുത്തു.
പ്രാർത്ഥനയോടെ ആരംഭിച്ച യോഗത്തിൽ അബ്ദുൽ ഖാദർ അദ്ധ്യക്ഷത വഹിച്ചു, ശിഹാബ് കഴിഞ്ഞ വർഷത്തെ പ്രവർത്തന റിപ്പോർട്ടും നൗഫൽ വരവ് ചിലവ് കണക്കും, വഹീദ് ബൈ ലോ യും അവതരിപ്പിച്ചു, സ്വാഗതം റഹിസ്,ഇക്ബാൽ നന്ദിയും പറഞ്ഞു.
