കോട്ടയം: ഭരണങ്ങാനം ചിറ്റാനപ്പാറയില് സ്കൂള് വിദ്യാഥിനിയെ കൈത്തോട്ടില് വീണ് കാണാതായി. ചിറ്റാനപ്പാറ സ്വദേശി പൊരിയത്ത് സിബിച്ചന്റെ മകള് മരിയയെ ആണ് കാണാതായത്. പാലാ ഫയര്ഫോഴ്സും പോലീസും ഈരാറ്റുപേട്ടയിലെ സന്നദ്ധപ്രവര്ത്തകരും സ്ഥലത്തെത്തിയിട്ടുണ്ട്. രക്ഷാപ്രവര്ത്തനം പുരോഗമിക്കുകയാണ്. ഭരണങ്ങാനം അയ്യമ്പാറ റോഡില് കുന്നനാംകുഴിയിലാണ് കുട്ടി അപകടത്തില് പെട്ടത്. മീനച്ചിലാറിലേക്കാണ ഈ തോട് ഒഴുകിയെത്തുന്നത്. പ്രദേശത്ത് വൈകിട്ട് കനത്ത മഴയുമായിരുന്നു. ഭരണങ്ങാനം പാലാ റോഡില് കുന്നേമുറി പാലത്തിന് സമീപമാണ് ഇപ്പോള് തിരച്ചില് നടത്തി വരുന്നത്.
