വന്ദേ ഭാരതിന്റെ അടുത്തഘട്ടത്തില്‍ 145 വിമാനങ്ങളില്‍ പ്രവാസികളെ കൊണ്ടുവരും-മന്ത്രി

ന്യൂഡല്‍ഹി: വന്ദേഭാരത് ദൗത്യത്തിന്റെ രണ്ടാ ഘട്ടത്തില്‍ ലോകത്തിലെ 31 രാജ്യങ്ങളില്‍ നിന്നായി 145 വിമാനങ്ങളില്‍ പ്രവാസികളെ കൊണ്ടുവരുമെന്ന് കേന്ദ്രമന്ത്രി വി മുരളീധരന്‍. 31 രാജ്യങ്ങളില്‍ നിന്ന് പ്രവാസികളെ കൊണ്ടുവരുന്ന ബൃഹത് പദ്ധതിയാണ് വിദേശകാര്യമന്ത്രാലയവും എയര്‍ഇന്ത്യയും ചേര്‍ന്ന് തയ്യാറാക്കിയിട്ടുള്ളതെന്നും മുരളീധരന്‍ പറഞ്ഞു.കേരളത്തിലേക്ക് 36 സര്‍വ്വീസുകളാണ് രണ്ടാം ഘട്ടത്തില്‍ ചാര്‍ട്ട് ചെയ്തിട്ടുള്ളത്. എന്നാല്‍ കേരളത്തിലേക്കുള്ള വിമാന സര്‍വ്വീസ് വര്‍ദ്ധിപ്പിക്കണമെന്നാണ് കേന്ദ്രത്തിന്റെ നിലപാടെന്നും മുരളീധരന്‍ പറഞ്ഞു. സംസ്ഥാന സര്‍ക്കാര്‍ ക്വാറന്റൈന്‍ സൗകര്യങ്ങളും ആളുകളെ സ്വീകരിക്കുന്നതിനുള്ള തയ്യാറെടുപ്പും സംബന്ധിച്ച് ഉദ്യോഗസ്ഥരുടെ ഇടയില്‍ നടന്ന ചര്‍ച്ചയുടെ അടിസ്ഥാനത്തിലാണ് ഇപ്പോള്‍ 45 വിമാനങ്ങള്‍ വരെ കൊണ്ടുവരാമെന്ന് ധാരണയായിട്ടുള്ളത്.