ജമ്മു കശ്മീരില്‍ രണ്ട് ഭീകരരെ പൊലീസ് പിടികൂടി. നസീര്‍ അഹമ്മദ് വാനി, ബഷീര്‍ അഹമ്മദ് വാനി എന്നിവരാണ് പിടിയിലായത്. ഹന്ദ്‌വാര പൊലീസാണ് ഇവരെ അറസ്റ്റ് ചെയ്തത്. വിവിധ തരത്തിലുള്ള തോക്കുകളും പിസ്റ്റലുകളും ഉള്‍പ്പെടെ നിരവധി ആയുധശേഖരങ്ങളും ഇവരില്‍ പിടിച്ചെടുത്തിട്ടുണ്ട്.
ചെക്ക് പോസ്റ്റില്‍ പൊലീസ് നടത്തിയ മിന്നല്‍ പരിശോധനയിലാണ് ഇവരെ പിടികൂടിയത്. പൊലീസിനെ കണ്ടതോടെ ഓടിരക്ഷപ്പെടാന്‍ ശ്രമിച്ച ഭീകരരെ അതിവിദഗ്ധമായി പിടികൂടുകയായിരുന്നു. ഇവര്‍ക്കെതിരെ കേസ് രജിസ്റ്റര്‍ ചെയ്തിട്ടുണ്ടെന്നും കൂടുതല്‍ അന്വേഷണം പുരോഗമിക്കുകയൈാണെന്നും പൊലീസ് അറിയിച്ചു.