ഗുരുവായൂര്: ഗുരുവായൂര് ക്ഷേത്രസന്നിധിയിലെ കല്യാണമണ്ഡപത്തിലേക്ക് വരനും വധുവും കയറാനിരിക്കുമ്പോഴാണ് താലിമാല നഷ്ടപ്പെട്ട കാര്യം അറിഞ്ഞത്. എന്നാല്, കളഞ്ഞുകിട്ടിയ അഞ്ചരപ്പവന്റെ താലിമാലയുമായി യുവാവ് എത്തിയപ്പോള് കല്യാണം മുഹൂര്ത്തം മാറാതെ നടന്നു.
കളഞ്ഞുകിട്ടിയ താലിമാല സുജിത് വരന്റെ ബന്ധുക്കളെ ഏല്പ്പിക്കുന്നു
കാസര്കോട് വള്ളിയാലുങ്കല് ശ്രീനാഥിന്റെയും പത്തനംതിട്ട കോന്നിയിലെ ശ്രുതിയുടെയും കല്യാണമായിരുന്നു വ്യാഴാഴ്ച. പാലക്കാട് സ്വദേശി സുജിത്താണ് കളഞ്ഞുകിട്ടിയ താലിമാല ബന്ധുക്കളെ ഏല്പിച്ചത്.
വരന്റെ അമ്മയുടെ ബാഗില് താലിമാല കാണാതായപ്പോള് വരന്റെയും വധുവിന്റെയും കുടുംബം സങ്കടത്തിലായി. വിവരം പോലീസ് കണ്ട്രോള് മുറിയില് അറിയിച്ചു.ക്ഷേത്രത്തില്നിന്ന് മൈക്കില് അറിയിപ്പും ഉയര്ന്നു. കല്യാണം മുടങ്ങാതിരിക്കാന് വരന്റെ അച്ഛന് ഉടന് ജൂവലറിയില് പോയി ചെറിയൊരു താലി വാങ്ങിവന്നു. അത് മഞ്ഞച്ചരടില് കോര്ത്ത് കെട്ടാന് വധൂവരന്മാര് മണ്ഡപത്തിലേക്ക് കയറുമ്പോഴാണ്, കളഞ്ഞുപോയ താലിമാല തിരിച്ചുകിട്ടിയിരിക്കുന്നുവെന്ന അനൗണ്സ്മെന്റ് ഉയര്ന്നത്. ബന്ധുക്കള് പോലീസ് കണ്ട്രോള് മുറിയില് ചെന്ന് താലിമാല വാങ്ങി. തത്കാലത്തേക്ക് വാങ്ങിയ താലി ഗുരുവായൂരപ്പന് സമര്പ്പിച്ചു.
പാലക്കാട് കമ്പ സ്വദേശി അറുമുഖന്റെ മകനാണ് മാല കണ്ടെത്തി തിരിച്ചേല്പ്പിച്ച സുജിത് (42). മേല്പ്പുത്തൂര് ഓഡിറ്റോറിയത്തിനടുത്ത് വഴിയില് കണ്ട പൗച്ചിലാണ് സ്വര്ണമാല കണ്ടത്. നേരെ പൗച്ച് പോലീസില് ഏല്പിക്കുകയായിരുന്നു. ബന്ധുക്കള് പാരിതോഷികം നല്കാന് ശ്രമിച്ചെങ്കിലും ഗുരുവായൂരപ്പന്റെ നടയില് നല്ലൊരുകാര്യം ചെയ്യാന് കഴിഞ്ഞതിലുള്ള സന്തോഷം മാത്രം മതിയെന്നു പറഞ്ഞ് സുജിത് തിരിച്ചുപോയി.
Trending
- ബഹ്റൈന് കാപ്പിറ്റല് ഗവര്ണര് ഗ്ലോബല് ഇന്നവേഷന് അവാര്ഡ് ഏറ്റുവാങ്ങി
- ലോക ഹൈ ഡ്രൈവിംഗ് ചാമ്പ്യന്ഷിപ്പിന് തുടക്കം
- ‘അസത്യം പറക്കുമ്പോൾ സത്യം മുടന്തുന്നു’; വയനാട് കണക്ക് വിവാദത്തിൽ മാധ്യമങ്ങളെ പഴിച്ച് മുഖ്യമന്ത്രി
- ബ്രിട്ടീഷ് ഡെപ്യൂട്ടി ഹൈകമ്മീഷണർ ജെയിംസ് ഗോഡ്ബർ ചൂരൽമല സന്ദർശിച്ചു
- നടി കവിയൂർ പൊന്നമ്മ അന്തരിച്ചു; അന്ത്യം കൊച്ചിയിലെ സ്വകാര്യ ആശുപത്രിയിൽ
- ഒടുവിൽ ശശീന്ദ്രൻ വഴങ്ങി; തോമസ് കെ. തോമസ് മന്ത്രിയാകും
- കേരളത്തിന് ചരിത്ര നേട്ടം: ഭക്ഷ്യ സുരക്ഷയ്ക്ക് രണ്ടാം വര്ഷവും ദേശീയ പുരസ്കാരം
- ലബനനിലെ പേജർ സ്ഫോടനത്തിൻറെ അന്വേഷണം മലയാളിയുടെ കമ്പനിയിലേക്ക്