യുവതിയെ കോടതിയ്ക്കുള്ളില്‍ ബലാത്സംഗം ചെയ്തു

ന്യൂഡൽഹി: ഇന്ത്യയുടെ തലസ്ഥാനത്തെ റൂസ് അവന്യൂ കോടതിയുടെ മുറിക്കുള്ളിൽ 38 കാരിയായ യുവതിയെ തിങ്കളാഴ്ച ബലാത്സംഗം ചെയ്തു. യുവതിയുടെ മൊഴിയുടെ അടിസ്ഥാനത്തിൽ പോലീസ് സെക്ഷൻ 376 പ്രകാരം പരാതി രജിസ്റ്റർ ചെയ്തത് പ്രതിയെ കസ്റ്റഡിയിലെടുത്തു. യുവതി പോലീസ് കൺട്രോൾ റൂമിലേക്ക് വിളിച്ച് കോടതി ഉദ്യോഗസ്ഥന്‍ തന്നെ ലൈംഗികമായി പീഡിപ്പിച്ചുവെന്ന് അറിയിക്കുകയായിരുന്നുവെന്ന് രജിസ്റ്റർ ചെയ്ത പരാതിയിൽ പറയുന്നു. കോടതി ജീവനക്കാരനായ പ്രതി, റൂസ് അവന്യൂ കോടതിയുടെ മുറിക്കുള്ളിൽ തന്നെ ബലാത്സംഗം ചെയ്തുവെന്ന് യുവതി പോലീസിനോടും പറഞ്ഞതിനെ തുടർന്ന് ബലാത്സംഗത്തിനിരയായ 38 കാരിയെ വൈദ്യപരിശോധനയ്ക്ക് വിധേയയാക്കി.