ചെറുകിട – ഇടത്തരം സംരംഭങ്ങള്‍ക്ക് സഹായവുമായി കേന്ദ്ര സർക്കാർ

ന്യൂഡല്‍ഹി: ചെറുകിട – ഇടത്തരം സംരംഭങ്ങള്‍ക്ക് സാമ്പത്തിക സഹായത്തിനായി ബാങ്കുകള്‍ വഴി സര്‍ക്കാര്‍ വായ്പയായി തുക അനുവദിച്ചു. 75,000 കോടി രൂപയാണ് ഇതിനായി കേന്ദ്ര സർക്കാർ അനുവദിച്ചിട്ടുള്ളത്. കേന്ദ്രം പ്രഖ്യാപിച്ച ആത്മ നിര്‍ഭര്‍ ഭാരത് പദ്ധതിയുടെ ഭാഗമായുള്ള എമര്‍ജന്‍സി ക്രെഡിറ്റ് ലൈന്‍ ഗ്യാരന്റീ സ്‌കീമില്‍ ഉള്‍പ്പെടുത്തിയാണ് സംരംഭകർക്ക്‌ പണം അനുവദിക്കുന്നത്. 42,739.12 കോടി രൂപ പൊതുമേഖല ബാങ്കുകള്‍ വഴിയും, 32,687.27 കോടി രൂപ സ്വകാര്യ ബാങ്കുകള്‍ വഴിയുമാണ് അനുവദിച്ചിരിക്കുന്നത്.