കോഴിക്കോട് ആടുകളെ കടുവ കടിച്ചു കൊന്നതായി പരാതി

കോഴിക്കോട്: ചെമ്പനോടയില്‍ കൂട്ടില്‍ കെട്ടിയിരുന്ന നാല് ആടുകളെ കടുവ കടിച്ചു കൊന്നതായി പരാതി. കഴിഞ്ഞ ദിവസം രാത്രിയിൽ ആടുകളുടെ കരച്ചില്‍ കേട്ട് പുറത്തിറങ്ങിയപ്പോള്‍ കടുവയെ പോലെ തോന്നിക്കുന്ന ജീവി കൂട്ടില്‍ നിന്നും ഇറങ്ങി ഓടുന്നതായി കണ്ടതായി വീട്ടുകാരൻ ജേക്കബ് പരാതിപ്പെട്ടു.പെരുവണ്ണാമുഴിയില്‍ നിന്നും വനപാലകരും പോലീസും സ്ഥലത്തെത്തി പരിശോധന ആരംഭിച്ചു.സമീപത്തു നിന്നും കടുവയുടെ സാന്നിധ്യം കണ്ടെത്തി.