പ്രവാസികളുമായുള്ള ആദ്യ വിമാന സർവീസ് കൊച്ചിയിലേക്കും,കോഴിക്കോട്ടേക്കും

ദുബായ് : പ്രവാസികളുമായുള്ള ആദ്യവിമാനം കേരളത്തിലേക്ക് ആകുമെന്ന് യുഎഇയിലെ ഇന്ത്യന്‍ സ്ഥാനപതി. എയർ ഇന്ത്യയുടെ രണ്ട് വിമാനങ്ങളാണ് പ്രവാസികളുമായി വ്യാഴാഴ്ച എത്തുന്നത്. അബുദബിയിൽ നിന്നും കൊച്ചിയിലേക്കും ദുബായിൽ നിന്നും കോഴിക്കോടേക്കുമാണ് വിമാനങ്ങൾ സർവീസ് നടത്തുക.പ്രവാസികളെ തിരികെ കൊണ്ടുവരുന്നതിന് പ്രത്യേക അനുമതി നല്‍കി കൊണ്ടുള്ള ഉത്തരവ് സംബന്ധിച്ച നിര്‍ദേശം എംബസികള്‍ക്ക് കേന്ദ്രം നല്‍കി. അര്‍ഹരുടെ പട്ടിക എംബസികള്‍ തയ്യാറാക്കും. ഇത് എയര്‍ ഇന്ത്യക്ക് കൈമാറും. തുടര്‍ന്നായിരിക്കും ടിക്കറ്റ് നല്‍കിത്തുടങ്ങുക.