തിരുവനന്തപുരം: മയക്കുമരുന്ന് കൈവശം വെച്ച് വില്പ്പന നടത്താന് ശ്രമിച്ച കേസിലെ പ്രതിയെ കോടതി വെറുതെ വിട്ടു. രാജാജി നഗര് സ്വദേശി ബൈജുവിനെയാണ് പ്രോസിക്യൂഷന് ആരോപിച്ച കുറ്റങ്ങള് തെളിയിക്കാന് കഴിയാത്തതിനാല് വെറുതെ വിടാന് കോടതി ഉത്തരവായത്. തിരുവനന്തപുരം രണ്ടാം അഡീഷണല് സെഷന്സ് കോടതി ജഡ്ജി ജി രാജേഷിന്റെതാണ് ഉത്തരവ്. 2016 മാര്ച്ച് 18 വൈകീട്ട് 6.40 നാണ് സംഭവം. മുന് കന്റോണ്മെന്റ് എസ് ഐ വിന്സന് ജോസഫ് ആണ് ബൈജുവിനെ പിടികൂടിയത്. വിമന്സ് കോളജ് പനവിള റോഡിലാണ് വില്പ്പന നടത്താന് ശ്രമിച്ചത്. പൊലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് പിടികൂടിയത്. സ്കൂള്, കോളജ് വിദ്യാര്ത്ഥികള്ക്ക് മയക്കുമരുന്ന് വില്പ്പന നടത്തുന്നതായി പൊലീസിന് പല പ്രാവശ്യം വിവരം ലഭിച്ചിരുന്നുവെങ്കിലും പ്രതിയെ കണ്ടെത്താന് കഴിഞ്ഞിരുന്നില്ലെന്നും പിടികൂടുന്ന സമയത്ത് ഇയാളുടെ കൈവശം ഉണ്ടായിരുന്ന പ്ലാസ്റ്റിക് കവറില് കഞ്ചാവ് ഉണ്ടായിരുന്നതായും പൊലീസ് വ്യക്തമാക്കി. തൊണ്ടിമുതലായി ഇത് കോടതിയില് ഹാജരാക്കുകയും ചെയ്തിരുന്നു. പ്രോസിക്യൂഷന് ശേഖരിച്ച തെളിവുകള് ഒന്നും പ്രതി കുറ്റം ചെയ്തെന്ന് കണ്ടെത്താന് കഴിഞ്ഞില്ലെന്നാണ് കോടതിയുടെ ഉത്തരവില് വ്യക്തമാക്കുന്നത്. 7 സാക്ഷികള് ,20 രേഖകള് , 4 തൊണ്ടിമുതലുകള് എന്നിവ പ്രോസിക്യൂഷന് തെളിവിലേക്ക് സ്വീകരിച്ചിരുന്നു. സുപ്രീംകോടതിയുടെ നിര്ദേശത്തിലുള്ള നടപടിക്രമങ്ങള് പാലിച്ചിട്ടില്ലെന്നും പ്രോസിക്യൂഷന്റെ ഭാഗത്ത് നിന്ന് വന്ന വീഴ്ചകളും ചൂണ്ടിക്കാട്ടിയാണ് പ്രതിഭാഗം അഭിഭാഷകന് നന്ദുപ്രകാശ് വാദിച്ചത്.
Trending
- എസ് ജയശങ്കർ പാകിസ്ഥാനിലേക്ക്, ഒമ്പത് വർഷങ്ങൾക്ക് ശേഷം ഇന്ത്യൻ വിദേശകാര്യമന്ത്രിയുടെ പാക് സന്ദർശനം
- എയര് ഇന്ത്യ എക്സ്പ്രസ് വിമാനത്തിൽ പുക; പരിഭ്രാന്തരായി യാത്രക്കാർ
- ജി.സി.സി. സാംസ്കാരിക മന്ത്രിമാരുടെ യോഗത്തില് ഡോ. ദലാല് അല് ശുറൂഖിയെയും അബ്ദുല്ല അല് ഖാനെയും ആദരിച്ചു
- മീഡിയ ടാലന്റ് അവാര്ഡ് 2024 ആമുഖ സമ്മേളനം
- ‘മതസ്പർദ്ധ വളർത്തുന്ന രീതിയിലുള്ള അഭിമുഖം’; മുഖ്യമന്ത്രിക്കും ദി ഹിന്ദു പത്രത്തിനുമെതിരെ പരാതി
- ‘കീരിക്കാടൻ ജോസ്’ ഇനി ഓർമ; നടൻ മോഹൻരാജ് അന്തരിച്ചു
- അടൽ സേതുവിൽ വാഹനം നിർത്തി വ്യവസായികടലിലേക്ക് ചാടി മരിച്ചു
- ‘ദ ഹിന്ദു’ ലേഖിക എത്തും മുൻപ് വിനീത് ഹൻഡയും സുബ്രഹ്മണ്യനും കേരള ഹൗസിലെത്തി; മുഖ്യമന്ത്രിയുടെ വാദം പൊളിയുന്നു