വാണിജ്യ, വ്യാവസായിക ഷോപ്പുകളുടെ പ്രവർത്തനം മെയ് 7 ന് പുനരാരംഭിക്കും

മനാമ: 2020 മെയ് 7 വ്യാഴാഴ്ച വൈകുന്നേരം ഏഴ് മണി മുതൽ ഉപഭോക്താക്കൾക്ക് നേരിട്ട് ചരക്കുകളോ സേവനങ്ങളോ നൽകുന്ന വാണിജ്യ, വ്യാവസായിക ഷോപ്പുകളുടെ പ്രവർത്തനം പുനരാരംഭിക്കും. കിരീടാവകാശി അദ്ധ്യക്ഷനായ ഏകോപന സമിതിയുടെ തീരുമാനങ്ങളെ അടിസ്ഥാനമാക്കിയാണ് തീരുമാനം. എന്നാൽ പരിശോധനകൾ ശക്തമാക്കുകയും എല്ലാ വ്യാപാര സ്‌ഥാപനങ്ങളും നിർദ്ദേശങ്ങൾ പാലിക്കുകയും പൗരന്മാർ എന്തെങ്കിലും ലംഘനങ്ങൾ കണ്ടാൽ റിപ്പോർട്ട് ചെയ്യുകയും വേണം. എല്ലാ പൗരന്മാർക്കും താമസക്കാർക്കും പൊതുസ്ഥലങ്ങളിൽ മാസ്‌കുകളും മുഖംമൂടികളും ധരിക്കേണ്ടത് നിർബന്ധമാണ്. എല്ലാവരുടേയും സുരക്ഷ ഉറപ്പാക്കുന്ന തരത്തിൽ സാമൂഹിക അകലം പാലിക്കണം. നിർദ്ദേശങ്ങൾ പാലിക്കാൻ വാണിജ്യ വ്യവസായ സ്‌ഥാപനങ്ങളോട് അഭ്യർത്ഥിക്കുന്നതായി ആഭ്യന്തര, വിദേശ വ്യാപാര അസിസ്റ്റന്റ് അണ്ടർസെക്രട്ടറി ഇമാൻ അഹമ്മദ് അൽ-ദോസെരി പറഞ്ഞു.