കോഴിക്കോട്: കോഴിക്കോട് ഉള്ള്യേരി മലബാര്‍ മെഡിക്കല്‍ കോളജിലെ കൊറോണ സെന്ററില്‍ ചികിത്സയില്‍ കഴിയുന്ന യുവതിയെ പീഡിപ്പിക്കാന്‍ ശ്രമിച്ച പ്രതി അശ്വിന്‍ പോലീസ് സ്റ്റേഷനില്‍ കീഴടങ്ങി. ഇയാളെ കൊയിലാണ്ടി ആശുപത്രിയില്‍ കൊറോണ ടെസ്റ്റിനും മെഡിക്കല്‍ പരിശോധനയ്ക്കും വിധേയനാക്കി. രാത്രി 11.30 ഓടെ ഡോക്ടറെ കാണാനെന്ന് പറഞ്ഞ് ആളൊഴിഞ്ഞ ഭാഗത്തേക്ക് യുവതിയെ കൂട്ടിക്കൊണ്ടു പോയ ശേഷം ഉപദ്രവിക്കാന്‍ ശ്രമിച്ചുവെന്ന യുവതിയുടെ പരാതി തുടര്‍ന്ന് ആശുപത്രി അധികൃതർ ഇയാളെ സസ്‌പെന്‍ഡ് ചെയ്തിരുന്നു.
