ബഹ്‌റൈൻ: പ്രമുഖ വ്യവസായിയും സാമൂഹിക–സാംസ്കാരിക പ്രവർത്തകനുമായ ഗോകുലം ഗോപാലന് വടകര സഹൃദയവേദിയുടെ നേതൃത്വത്തിൽ സ്വീകരണവും ആദരവും നൽകി. ബഹ്‌റൈൻ സന്ദർശനത്തിനെത്തിയ അദ്ദേഹത്തിനായി ഔറ ആർട്സ് സെന്ററിലാണ് ചടങ്ങ് സംഘടിപ്പിച്ചത്.

വടകര സഹൃദയവേദി പ്രസിഡന്റ് എൻ.പി. അഷ്‌റഫ് അധ്യക്ഷത വഹിച്ചു. ജനറൽ സെക്രട്ടറി എം.സി. പവിത്രൻ സ്വാഗതം ആശംസിച്ചു. രക്ഷാധികാരി ശശിധരൻ ചടങ്ങുകൾ നിയന്ത്രിച്ചു.

സംഘടനയുടെ മുഖ്യ രക്ഷാധികാരി ആർ. പവിത്രൻ ഗോകുലം ഗോപാലനെ പൂച്ചെണ്ട് നൽകി സ്വീകരിച്ചു. ജനറൽ സെക്രട്ടറി എം.സി. പവിത്രനും പ്രസിഡന്റ് എൻ.പി. അഷ്‌റഫും ചേർന്ന് പൊന്നാട അണിയിച്ച് ആദരവ് സമർപ്പിച്ചു.

ഔറ ആർട്സ് ചെയർമാൻ മനോജ് മയ്യന്നൂർ, സാമൂഹിക പ്രവർത്തകൻ രാജീവ് ഇ.വി., ചന്ദ്രബോസ്, കൃഷ്ണകുമാർ (എസ്എൻസിഎസ്), അജിത്ത് (കുടുംബ സഹൃദയവേദി), സെവൻ ആർട്സ് പ്രസിഡന്റ് ജേക്കബ് തേക്കുംതോട് എന്നിവർ ആശംസകൾ നേർന്ന് സംസാരിച്ചു.

വടകര സഹൃദയവേദിയുടെ എക്സിക്യൂട്ടീവ് കമ്മിറ്റി അംഗങ്ങളും വനിതാവേദി പ്രവർത്തകരും സ്വീകരണച്ചടങ്ങിൽ പങ്കെടുത്തു. വൈസ് പ്രസിഡന്റ് എം.എം. ബാബു നന്ദി പറഞ്ഞു.

The post ഗോകുലം ഗോപാലന് ബഹ്‌റൈനിൽ സ്വീകരണമൊരുക്കി വടകര സഹൃദയവേദി appeared first on Starvision News Malayalam.

മനാമ: വടകര സഹൃദയവേദിയുടെ നേതൃത്വത്തിൽ സംഘടിപ്പിച്ച ‘പൂവിളി 2026’ ഓണാഘോഷം വിപുലമായ ജനപങ്കാളിത്തവും വൈവിധ്യമാർന്ന കലാപരിപാടികളും കൊണ്ട് ശ്രദ്ധേയമായി. ബഹ്‌റൈനിലെ സാമൂഹിക–സാംസ്കാരിക രംഗത്തെ പ്രമുഖരും വിവിധ സംഘടനാ ഭാരവാഹികളും ചടങ്ങിൽ പങ്കെടുത്തു.

ഇന്ത്യൻ ക്ലബ്ബിൽ വച്ച് നടന്ന ഓണാഘോഷ പരിപാടികൾ ഇന്ത്യൻ ക്ലബ് പ്രസിഡന്റ് ജോസഫ് ജോയ് ഉദ്ഘാടനം ചെയ്തു. വടകര സഹൃദവേദി സെക്രട്ടറി എം. സി പവിത്രൻ സ്വാഗതം ആശംസിച്ചു. പ്രസിഡണ്ട് എൻ.പി. അഷറഫ് അധ്യക്ഷത വഹിച്ചു. ഇന്ത്യൻ സ്കൂൾ ചെയർമാൻ ബിനു മണ്ണിൽ,
ICRF അഡ്വൈസർ ഡോ. ബാബു രാമചന്ദ്രൻ എന്നിവർ ഓണാശംസകൾ നേർന്നു. ബഹ്‌റൈനിലെ പ്രമുഖ വ്യവസായിയും ജീവകാരുണ്യ പ്രവർത്തകനും ചന്ദ്രമ്മ മാധവൻ നായർ (CMN) ട്രസ്റ്റ് ചെയർമാനുമായ പമ്പാവാസൻ നായർ, സഹൃദയവേദി മുഖ്യ രക്ഷാധികാരി ആർ. പവിത്രൻ എന്നിവരും ആശംസകൾ അർപ്പിച്ചു. പരിപാടിയുടെ ആസൂത്രണം മുതൽ നടത്തിപ്പ് വരെയുള്ള സഹൃദയവേദി പ്രവർത്തകരുടെ കൂട്ടായ്മയെയും ചിട്ടയായ പ്രവർത്തനത്തെയും സംഘാടന മികവിനെയും ഡോ. ബാബു രാമചന്ദ്രൻ ഉൾപ്പെടെ ആശംസ അർപ്പിച്ചവർ മുക്തകണ്ഠം പ്രശംസിച്ചു. ബഹ്‌റൈനിലെ വിവിധ സാമൂഹിക–സാംസ്കാരിക സംഘടനകളുടെ ഭാരവാഹികളും പ്രവർത്തകരും ചടങ്ങിൽ സന്നിഹിതരായിരുന്നു.

വടകര സഹൃദയവേദി കുടുംബാംഗങ്ങൾ അവതരിപ്പിച്ച സംഘഗാനം, ഒപ്പന, തിരുവാതിര എന്നിവ ആഘോഷത്തിന്റെ പ്രധാന ആകർഷണമായി. കുട്ടികളും മുതിർന്നവരും അണിനിരന്ന വൈവിധ്യമാർന്ന കലാപ്രകടനങ്ങൾ മികച്ച നിലവാരം പുലർത്തുകയും സദസ്സിന്റെ നിറഞ്ഞ കൈയടി നേടുകയും ചെയ്തു.

പരമ്പരാഗത രീതിയിൽ ഒരുക്കിയ വിഭവസമൃദ്ധമായ ഓണസദ്യയിൽ ആയിരത്തിലധികം പേർ പങ്കെടുത്തു. വലിയ ജനപങ്കാളിത്തത്തിനിടയിലും സദ്യയും കലാപരിപാടികളും മറ്റ് ക്രമീകരണങ്ങളും ചിട്ടയോടെയും സമയബന്ധിതമായും നടത്താൻ സഹൃദയവേദി പ്രവർത്തകർക്ക് കഴിഞ്ഞത് പ്രത്യേകം ശ്രദ്ധേയമായി.
“പൂവിളി 2026” ചെയർമാൻ അശോകൻ ടി., ട്രഷറർ വി. പി. രഞ്ജിത്ത് എന്നിവരും ചടങ്ങിൽ സന്നിഹിതരായിരുന്നു. പ്രതിഭാ രക്ഷാധികാരി ശ്രീജിത്ത്, കെ.എം.സി.സി പ്രതിനിധി എ.പി ഫൈസൽ, ഒ.ഐ.സി.സി പ്രസിഡന്റ് ബഹ്‌റൈൻ ഗഫൂർ ഉണ്ണികുളം, ഐ.വൈ. സി.സി. പ്രസിഡണ്ട് റിച്ചി കളത്തൂരത്ത്,
സാമൂഹ്യപ്രവർത്തകനായ ഇ. വി രാജീവൻ എന്നിവർ ഓണാശംസകൾ അറിയിച്ചു. ‘പൂവിളി 2026’ ജനറൽ കൺവീനർ ശശിധരൻ എം. നന്ദി രേഖപ്പെടുത്തി.

പ്രവാസലോകത്ത് ഓണത്തിന്റെ ഒരുമയും സൗഹൃദവും സാംസ്കാരിക പൈതൃകവും പങ്കുവെച്ച ജനകീയ ആഘോഷമായി ‘പൂവിളി 2026’ മാറി. ആയിരത്തിലധികം പേരുടെ പങ്കാളിത്തവും സഹൃദയവേദി കുടുംബാംഗങ്ങളുടെ മികച്ച കലാപ്രകടനങ്ങളും പ്രവർത്തകരുടെ കൂട്ടായ സംഘാടന മികവും ഇത്തവണത്തെ പൂവിളിയെ ശ്രദ്ധേയമാക്കി.

The post വടകര സഹൃദയവേദിയുടെ ‘പൂവിളി 2026’ ശ്രദ്ധേയമായി; ഓണസദ്യയിൽ പങ്കെടുത്തത് ആയിരത്തിലധികം പേർ appeared first on Starvision News Malayalam.

പമ്പാവാസൻ നായർ തന്റെ മാതാപിതാക്കളായ ചന്ദ്രമ്മ–മാധവൻ നായർ എന്നിവരുടെ സ്മരണയ്ക്കായി സ്ഥാപിച്ച ചന്ദ്രമ്മ മാധവൻ നായർ (സി.എം.എൻ.) ട്രസ്റ്റിന്റെ നേതൃത്വത്തിലാണ് വിവിധ ജീവകാരുണ്യ പ്രവർത്തനങ്ങൾ നടപ്പാക്കുന്നത്.

മുഖ്യമന്ത്രി വി.ഡി. സതീശന്റെ ‘പുനർജനി’ പദ്ധതിയുമായി സഹകരിച്ച് പറവൂരിലെ നിർധനരായ നാല് കുടുംബങ്ങൾക്കായി ട്രസ്റ്റ് പുതിയ വീടുകൾ നിർമിച്ചുനൽകുകയാണ്. വീടുകളുടെ ശിലാസ്ഥാപന കർമം മുഖ്യമന്ത്രി വി.ഡി. സതീശൻ നിർവഹിച്ചു.

സ്വന്തമായി ഒരു വീടെന്ന നിർധന കുടുംബങ്ങളുടെ സ്വപ്നം യാഥാർഥ്യമാക്കുന്നതിനായി സി.എം.എൻ. ട്രസ്റ്റ് നടത്തുന്ന പ്രവർത്തനങ്ങൾ ഏറെ മാതൃകാപരമാണെന്ന് സഹൃദയവേദി ഭാരവാഹികൾ അഭിപ്രായപ്പെട്ടു.

പ്രവാസജീവിതത്തിലെ തിരക്കുകൾക്കിടയിലും ജന്മനാടിനോടും സമൂഹത്തിലെ അശരണരോടുമുള്ള കരുതൽ കൈവിടാതെ പമ്പാവാസൻ നായർ നടത്തുന്ന സേവനപ്രവർത്തനങ്ങൾ പ്രവാസിസമൂഹത്തിനാകെ അഭിമാനവും പ്രചോദനവുമാണെന്നും അവർ പറഞ്ഞു.

വടകര സഹൃദയവേദി ജനറൽ സെക്രട്ടറി എം.സി. പവിത്രൻ, രക്ഷാധികാരികളായ ശിവദാസ് എം., ശശിധരൻ എം., പ്രകാശ് കുമാർ എന്നിവർ അനുമോദനച്ചടങ്ങിൽ പങ്കെടുത്തു. പമ്പാവാസൻ നായരുടെ തുടർ ജീവകാരുണ്യ പ്രവർത്തനങ്ങൾക്ക് ഭാരവാഹികൾ ആശംസകൾ നേർന്നു.

The post ജീവകാരുണ്യ പ്രവർത്തനങ്ങൾക്ക് ആദരം; പമ്പാവാസൻ നായരെ വടകര സഹൃദയവേദി അനുമോദിച്ചു appeared first on Starvision News Malayalam.