രാജ്യത്തെ നാല് ഗവർണറേറ്റുകളിലായി 4,675 വാണിജ്യ സ്ഥാപനങ്ങളിൽ നേരിട്ട് പരിശോധന നടത്തി. വിവിധ വകുപ്പുകളുമായി ചേർന്ന് 172 സംയുക്ത പരിശോധനാ കാമ്പയിനുകളും നടപ്പാക്കി. ക്യാപിറ്റൽ ഗവർണറേറ്റിൽ 74, മുഹറഖിൽ 57, നോർത്തേൺ ഗവർണറേറ്റിൽ 22, സതേൺ ഗവർണറേറ്റിൽ 19 കാമ്പയിനുകളാണ് നടത്തിയത്.

ആഭ്യന്തര മന്ത്രാലയം, നാഷണാലിറ്റി, പാസ്‌പോർട്ട് ആൻഡ് റെസിഡൻസ് അഫയേഴ്‌സ്, ജനറൽ ഡയറക്ടറേറ്റ് ഓഫ് ക്രിമിനൽ ഇൻവെസ്റ്റിഗേഷൻ ആൻഡ് ഫോറൻസിക്സ്, തീരദേശ സംരക്ഷണ സേന, വ്യവസായ-വാണിജ്യ മന്ത്രാലയം, ടൂറിസം ആൻഡ് എക്സിബിഷൻ അതോറിറ്റി തുടങ്ങിയ വകുപ്പുകളുടെ സഹകരണത്തോടെയായിരുന്നു നടപടികൾ.

തൊഴിൽ വിപണിയുടെ സ്ഥിരതയെയും സാമ്പത്തിക സുരക്ഷയെയും ബാധിക്കുന്ന നിയമലംഘനങ്ങൾക്കെതിരെ പരിശോധന തുടരുമെന്ന് എൽ.എം.ആർ.എ വ്യക്തമാക്കി. നിയമവിരുദ്ധ തൊഴിൽരീതികൾ ശ്രദ്ധയിൽപ്പെട്ടാൽ www.lmra.gov.bh വെബ്‌സൈറ്റ്, തവാസുൽ ആപ്പ്, 17506055 എന്ന കോൾ സെന്റർ നമ്പർ എന്നിവ വഴി അറിയിക്കണമെന്ന് പൊതുജനങ്ങളോട് അതോറിറ്റി അഭ്യർത്ഥിച്ചു.

The post ബഹ്‌റൈനിൽ സെപ്റ്റംബറിൽ 4,847 പരിശോധനകൾ; 67 പേർ അറസ്റ്റിൽ, 547 പേരെ നാടുകടത്തി appeared first on Starvision News Malayalam.

മനാമ: ബഹ്‌റൈനിലെ പ്രവാസി തൊഴിലാളികൾക്ക് ആശ്വാസമായി പുതിയ തൊഴിൽ ചട്ടം പ്രാബല്യത്തിൽ. നിലവിലെ വർക്ക് പെർമിറ്റിൽ തുടർന്നുകൊണ്ട് തന്നെ മറ്റൊരു സ്ഥാപനത്തിൽ താൽക്കാലികമായി ജോലി ചെയ്യാൻ അനുമതി നൽകുന്നതാണ് ലേബർ മാർക്കറ്റ് റെഗുലേറ്ററി അതോറിറ്റിയുടെ (എൽ.എം.ആർ.എ) പുതിയ തീരുമാനം.

ഗാർഹിക തൊഴിലാളികൾ ഒഴികെയുള്ള വിദേശ ജീവനക്കാരെ സ്ഥാപനങ്ങൾക്കിടയിൽ താൽക്കാലികമായി പങ്കുവെക്കാൻ പുതിയ ചട്ടം വഴി സാധിക്കും. വ്യവസായ-വാണിജ്യ മേഖലയിൽ കൂടുതൽ സൗകര്യപ്രദവും അയവുള്ളതുമായ തൊഴിൽ സാഹചര്യം സൃഷ്ടിക്കുകയാണ് ഇതിന്റെ ലക്ഷ്യം.

തൊഴിൽ, നിയമകാര്യ മന്ത്രിയും എൽ.എം.ആർ.എ ഡയറക്ടർ ബോർഡ് ചെയർമാനുമായ യൂസഫ് ഖലഫ് ഒപ്പുവെച്ച 2026-ലെ രണ്ടാം നമ്പർ തീരുമാനത്തിന്റെ അടിസ്ഥാനത്തിലാണ് ഭേദഗതി നടപ്പാക്കിയത്. സെപ്റ്റംബർ 24-ന് ഔദ്യോഗിക ഗസറ്റിൽ പ്രസിദ്ധീകരിച്ച തീരുമാനം നിലവിൽ പ്രാബല്യത്തിലുണ്ട്.

പുതിയ ചട്ടപ്രകാരം, വിദേശ തൊഴിലാളിക്ക് നിലവിലെ വിസ നിലനിർത്തിക്കൊണ്ട് പരമാവധി മൂന്ന് മാസം വരെ രണ്ടാമത്തെ സ്ഥാപനത്തിൽ ജോലി ചെയ്യാം. ഇതിനായി തൊഴിലാളിയുടെ രേഖാമൂലമുള്ള സമ്മതം നിർബന്ധമാണ്. നിലവിലെ തൊഴിലുടമ, തൊഴിലാളിയെ താൽക്കാലികമായി സ്വീകരിക്കുന്ന സ്ഥാപനം, എൽ.എം.ആർ.എ എന്നിവരുടെ അനുമതിയും ആവശ്യമാണ്.

തൊഴിലാളിയെ സ്വീകരിക്കുന്ന സ്ഥാപനം നിലവിലെ സ്ഥാപനത്തിന്റെ അതേ ബഹ്‌റൈനൈസേഷൻ നിരക്കോ അതിൽ കൂടുതലോ ഉള്ള മേഖലയിലായിരിക്കണം പ്രവർത്തിക്കുന്നത്. ബഹ്‌റൈനൈസേഷൻ നിരക്ക് കുറവാണെങ്കിൽ എൽ.എം.ആർ.എ ചട്ടങ്ങൾ അനുസരിച്ചുള്ള പ്രത്യേക ഫീസ് ബാധകമാകും.

മൂന്ന് മാസത്തെ താൽക്കാലിക ജോലി കാലയളവിൽ തൊഴിലാളിയുടെ വേതനം, തൊഴിൽ അവകാശങ്ങൾ, മറ്റ് നിയമപരമായ സംരക്ഷണങ്ങൾ എന്നിവ ഉറപ്പാക്കാനുള്ള ഉത്തരവാദിത്തം ഇരു തൊഴിലുടമകൾക്കുമുണ്ടാകും. വിവരങ്ങൾ എൽ.എം.ആർ.എയുടെ രേഖകളിൽ ഉൾപ്പെടുത്തിയ ശേഷം തൊഴിലാളിയെയും ഇരു സ്ഥാപനങ്ങളെയും അതോറിറ്റി ഔദ്യോഗികമായി അറിയിക്കും.

ഒരേ ഉടമസ്ഥതയിലോ ഗ്രൂപ്പിലോ ഉൾപ്പെടുന്ന, വ്യത്യസ്ത കൊമേഴ്‌സ്യൽ രജിസ്ട്രേഷൻ (സി.ആർ) നമ്പറുകളുള്ള സ്ഥാപനങ്ങളിലേക്കും ജീവനക്കാരെ താൽക്കാലികമായി നിയോഗിക്കാൻ തൊഴിലുടമകൾക്ക് ഇളവ് നൽകിയിട്ടുണ്ട്. എന്നാൽ ഈ സ്ഥാപനങ്ങൾക്കും ആവശ്യമായ ബഹ്‌റൈനൈസേഷൻ മാനദണ്ഡം പാലിച്ചിരിക്കണം. വിദേശ തൊഴിലാളികൾ തൊഴിലുടമ നിർദേശിക്കുന്ന അംഗീകൃത ഔദ്യോഗിക തൊഴിൽ സ്ഥലത്ത് മാത്രമേ ജോലി ചെയ്യാവൂ എന്നും പുതിയ തീരുമാനത്തിൽ വ്യക്തമാക്കുന്നു.

The post നിലവിലെ വിസയിൽ തന്നെ മറ്റു സ്ഥാപനങ്ങളിലും താൽക്കാലിക ജോലി ചെയ്യാം; പുതിയ ചട്ടവുമായി എൽ.എം.ആർ.എ appeared first on Starvision News Malayalam.

മനാമ: ബഹ്‌റൈനിലെ തൊഴിൽവിപണിയുടെ സുസ്ഥിരതയും മത്സരക്ഷമതയും ഉറപ്പാക്കുന്നതിന്റെ ഭാഗമായി ലേബർ മാർക്കറ്റ് റെഗുലേറ്ററി അതോറിറ്റി (എൽ.എം.ആർ.എ) 2026 ജൂലൈയിൽ രാജ്യത്തുടനീളം 3,633 പരിശോധനാ ക്യാമ്പെയ്‌നുകളും സന്ദർശനങ്ങളും നടത്തി.

തൊഴിൽ–താമസ നിയമങ്ങൾ ലംഘിച്ചതായി കണ്ടെത്തിയ 114 തൊഴിലാളികളെ പരിശോധനകളുടെ ഭാഗമായി കസ്റ്റഡിയിലെടുത്തു. നേരത്തെ പിടിയിലായവരടക്കം 420 നിയമലംഘകരായ പ്രവാസികളെ നിയമനടപടികൾ പൂർത്തിയാക്കി നാടുകടത്തിയതായും എൽ.എം.ആർ.എ അറിയിച്ചു.

വിവിധ സ്ഥാപനങ്ങളിലായി 3,449 പരിശോധനാ സന്ദർശനങ്ങളും സർക്കാർ ഏജൻസികളുമായി സഹകരിച്ച് 184 സംയുക്ത പരിശോധനാ ക്യാമ്പെയ്‌നുകളുമാണ് നടത്തിയത്. എൽ.എം.ആർ.എ നിയമത്തിലെയും ബഹ്‌റൈൻ റസിഡൻസി നിയമത്തിലെയും വിവിധ വ്യവസ്ഥകളുടെ ലംഘനങ്ങൾ പരിശോധനകളിൽ കണ്ടെത്തി. നിയമലംഘകർക്കെതിരെ ആവശ്യമായ നടപടികൾ സ്വീകരിച്ചതായും അധികൃതർ വ്യക്തമാക്കി.

നാഷണാലിറ്റി, പാസ്‌പോർട്ട് ആൻഡ് റെസിഡൻസ് അഫയേഴ്‌സ്, ക്രൈം ഡിറ്റക്ഷൻ ആൻഡ് ഫോറൻസിക് സയൻസ് ജനറൽ ഡയറക്ടറേറ്റ്, വിവിധ ഗവർണറേറ്റുകളിലെ പൊലീസ് ഡയറക്ടറേറ്റുകൾ, സിവിൽ ഡിഫൻസ് എന്നിവരുമായി സഹകരിച്ചാണ് സംയുക്ത പരിശോധനകൾ നടത്തിയത്.

വ്യവസായ–വാണിജ്യ മന്ത്രാലയം, ബഹ്‌റൈൻ ടൂറിസം ആൻഡ് എക്സിബിഷൻസ് അതോറിറ്റി, സോഷ്യൽ ഇൻഷുറൻസ് ഓർഗനൈസേഷൻ, ഇലക്ട്രിസിറ്റി ആൻഡ് വാട്ടർ അതോറിറ്റി, നാഷണൽ ഹെൽത്ത് റെഗുലേറ്ററി അതോറിറ്റി തുടങ്ങിയ സർക്കാർ സ്ഥാപനങ്ങളും പരിശോധനകളിൽ പങ്കെടുത്തു.

നിയമവിരുദ്ധ തൊഴിൽരീതികൾ തടയുന്നതിനായി രാജ്യവ്യാപക പരിശോധനകൾ തുടരുമെന്ന് എൽ.എം.ആർ.എ അറിയിച്ചു. നിയമലംഘനങ്ങളെക്കുറിച്ച് www.lmra.gov.bh, കോൾ സെന്റർ നമ്പരായ 17506055, അല്ലെങ്കിൽ സർക്കാർ പരാതിപരിഹാര സംവിധാനമായ ‘തവാസുൽ’ വഴി അറിയിക്കാം.

The post ബഹ്‌റൈനിലെ LMRA പരിശോധനയിൽ 114 പേർ കസ്റ്റഡിയിൽ, 420 പ്രവാസികളെ നാടുകടത്തി appeared first on Starvision News Malayalam.