മനാമ: ഗുരുദേവ സോഷ്യൽ സൊസൈറ്റിയുടെ (ജിഎസ്എസ്) ഈ വർഷത്തെ നവരാത്രി ആഘോഷങ്ങൾക്ക് ഒക്ടോബർ 11 ഞായറാഴ്ച തുടക്കമാകും. വൈകിട്ട് 7.30ന് ഇന്ത്യൻ സ്കൂൾ ഡയറക്ടർ ബോർഡ് അംഗവും ജിഎസ്എസ് കുടുംബാംഗവുമായ മിഥുൻ മോഹൻ ആഘോഷങ്ങൾ ഉദ്ഘാടനം ചെയ്യും. ഒക്ടോബർ 20 വരെ എല്ലാ ദിവസവും വൈകിട്ട് ഏഴുമുതൽ പ്രത്യേക പൂജയും ഭജനയും നടക്കും. തുടർന്ന് അന്നദാനവും ഉണ്ടായിരിക്കും.

ഒക്ടോബർ 21 ബുധനാഴ്ച രാവിലെ 5.30നാണ് വിദ്യാരംഭ ചടങ്ങ്. ബികെജി ഹോൾഡിങ്സ് ചെയർമാനും മാനേജിങ് ഡയറക്ടറുമായ കെ.ജി. ബാബുരാജൻ കുഞ്ഞുങ്ങൾക്ക് ആദ്യാക്ഷരങ്ങൾ പകർന്നുനൽകും. നവരാത്രി പൂജകളിലും അനുബന്ധ ആഘോഷങ്ങളിലും എല്ലാ കുടുംബാംഗങ്ങളും പങ്കെടുക്കണമെന്ന് ജിഎസ്എസ് ചെയർമാൻ സനീഷ് കൂറുമുള്ളിൽ, അസിസ്റ്റന്റ് സെക്രട്ടറി എ.ഡി. ദേവദത്തൻ എന്നിവർ അഭ്യർഥിച്ചു.

The post ഗുരുദേവ സോഷ്യൽ സൊസൈറ്റിയിൽ നവരാത്രി ആഘോഷങ്ങൾക്ക് തുടക്കം; വിദ്യാരംഭം ഒക്ടോബർ 21ന് appeared first on Starvision News Malayalam.

മനാമ: ഇന്ത്യൻ സ്‌കൂളിൽ സംഘടിപ്പിച്ച  ബഹ്‌റൈൻ മോഡൽ യുണൈറ്റഡ് നേഷൻസ് കോൺഫറൻസ്  വിദ്യാർത്ഥികളുടെ നേതൃപാടവത്തിന് മാറ്റുകൂട്ടി. രാജ്യത്തെ പ്രമുഖ സ്കൂളുകളിൽ നിന്നുള്ള ഏകദേശം 370 വിദ്യാർത്ഥി പ്രതിനിധികൾ ദ്വിദിന സമ്മേളനത്തിൽ ഒത്തുചേർന്നു.  നിർണ്ണായകമായ ആഗോള വിഷയങ്ങളിൽ ചർച്ചകൾ നടത്താനും നേതൃപാടവം വളർത്താനും നയതന്ത്രം, അന്താരാഷ്ട്ര ബന്ധങ്ങൾ എന്നിവയെക്കുറിച്ച് പ്രായോഗിക അറിവ് നേടാനും ഈ സമ്മേളനം അവസരമൊരുക്കി.

ഇസ ടൗൺ കാമ്പസിലെ സ്കൂൾ ഓഡിറ്റോറിയത്തിൽ നടന്ന  സമ്മേളനത്തിന്  സ്‌കൂൾ ചെയർമാൻ അഡ്വ. ബിനു മണ്ണിൽ വറുഗീസ്  തിരിതെളിയിച്ചു. പ്രിൻസിപ്പൽ ശാന്ത കുമാർ ദസരി, ജൂനിയർ വിംഗ് പ്രിൻസിപ്പൽ പമേല സേവ്യർ, അക്കാദമിക് അഡ്മിനിസ്ട്രേഷൻ വൈസ് പ്രിൻസിപ്പൽ രാജേഷ് നായർ, എം.യു.എൻ ഡയറക്ടർ ഛായ ജോഷി, സെക്രട്ടറി ജനറൽ ജോയൽ ഷൈജു, ഡെപ്യൂട്ടി സെക്രട്ടറി ജനറൽ ഇവാന റേച്ചൽ ബിനു, സംഘാടക സമിതി  സ്റ്റുഡന്റ് ഡയറക്ടർ ആര്യൻ സത്യൻ ദാസ്, ഗവേഷണ-പരിശീലന വിഭാഗം സ്റ്റുഡന്റ് ഡയറക്ടർ സഞ്ജയ് പ്രജി എന്നിവർ സന്നിഹിതരായിരുന്നു. ഇന്ത്യൻ സ്കൂൾ, അബ്ദുൾ റഹ്മാൻ കാനൂ ഇന്റർനാഷണൽ സ്കൂൾ, അൽ നൂർ ഇന്റർനാഷണൽ സ്കൂൾ, ഏഷ്യൻ സ്കൂൾ, ബഹ്‌റൈൻ ബയാൻ സ്കൂൾ, ബഹ്‌റൈൻ ഇന്ത്യൻ സ്കൂൾ, ഇബ്ൻ അൽ ഹൈതം ഇസ്ലാമിക് സ്കൂൾ, ന്യൂ ഹൊറൈസൺ സ്കൂൾ, ന്യൂ ഇന്ത്യൻ സ്കൂൾ, ന്യൂ മില്ലേനിയം സ്കൂൾ, സെന്റ് ക്രിസ്റ്റഫേഴ്സ് സ്കൂൾ തുടങ്ങി  നിരവധി സ്കൂളുകളിൽ നിന്നുള്ള 6 മുതൽ 12 വരെ ക്ലാസുകളിലെ വിദ്യാർത്ഥികൾ സമ്മേളനത്തിൽ പങ്കെടുത്തു.

സമ്മേളനത്തിന്റെ ആസൂത്രണം, സംഘാടനം, ഏകോപനം, നടത്തിപ്പ് എന്നിവയുടെ പൂർണ്ണ ഉത്തരവാദിത്തം വിദ്യാർത്ഥികൾ തന്നെ ഏറ്റെടുത്തു. വിദ്യാർത്ഥി പ്രതിനിധികൾ വിവിധ കൗൺസിലുകളിലായി വിശദമായ  ചർച്ചാവേളകളിലും പങ്കെടുത്തു. ഓരോ കൗൺസിലിനും വിദ്യാർത്ഥി ചെയർമാൻമാർ നേതൃത്വം നൽകി; ഐക്യരാഷ്ട്രസഭയുടെ നടപടിക്രമങ്ങൾ പാലിച്ചുകൊണ്ട് ചർച്ചകൾ മുന്നോട്ട് കൊണ്ടുപോകാൻ അവർ പ്രതിനിധികളെ സഹായിച്ചു. ഉദ്ഘാടന പ്രസംഗം നടത്തിയ സ്‌കൂൾ  ചെയർമാൻ അഡ്വ. ബിനു മണ്ണിൽ വറുഗീസ്, ആഗോള അവബോധമുള്ളവരും  ഉത്തരവാദിത്തബോധമുള്ളവരുമായ യുവ പൗരന്മാരെ വളർത്തിയെടുക്കുന്നതിൽ മോഡൽ യുണൈറ്റഡ് നേഷൻസ് സമ്മേളനങ്ങൾക്കുള്ള സുപ്രധാന പങ്ക് എടുത്തുപറഞ്ഞു.  

ബഹ്‌റൈൻ ദേശീയ ഗാനത്തോടെയാണ് ഉദ്ഘാടന ചടങ്ങുകൾ ആരംഭിച്ചത്. തുടർന്ന് സെക്രട്ടറി ജനറൽ ജോയൽ ഷൈജു സ്വാഗത പ്രസംഗം നടത്തി.   ചർച്ചകളും മത്സരങ്ങളും മാത്രമല്ല, സഹപ്രതിനിധികളുമായുള്ള ആശയവിനിമയത്തിലൂടെ ലഭിക്കുന്ന സൗഹൃദങ്ങൾ, അനുഭവങ്ങൾ, വ്യത്യസ്ത കാഴ്ചപ്പാടുകൾ, മൂല്യങ്ങൾ എന്നിവയ്ക്കും പ്രാധാന്യം നൽകി സമ്മേളനം പരമാവധി പ്രയോജനപ്പെടുത്താൻ വിദ്യാർത്ഥി ഡയറക്ടർമാരായ സഞ്ജയ് പ്രെജി (ഗവേഷണം & പരിശീലനം), ആര്യൻ സത്യൻ ദാസ് (ഓർഗനൈസിംഗ് കമ്മിറ്റി), ഡെപ്യൂട്ടി സെക്രട്ടറി ജനറൽ ഇവാന റേച്ചൽ ബിനു എന്നിവർ  അഭ്യർത്ഥിച്ചു. ഗവേഷണ വിഭാഗം മേധാവി അഭിനവ് ശ്രീജിത്ത്, പബ്ലിക് റിലേഷൻസ് മേധാവി ശ്രേയ രാജീവ് എന്നിവർ അവതാരകരായിരുന്നു. ചടങ്ങിനുശേഷം പ്രതിനിധികൾ തങ്ങളുടെ കൗൺസിൽ ചേംബറുകളിലേക്ക് നീങ്ങുകയും, അവിടെ  അനുവദിക്കപ്പെട്ട ആഗോള വിഷയങ്ങളിൽ ചർച്ചകൾ ആരംഭിക്കുകയും ചെയ്തു.

ഗൗരവമേറിയതും, ആഴത്തിലുള്ള ഗവേഷണത്തിൽ അധിഷ്ഠിതവും, നയതന്ത്രപരമായ മര്യാദകൾ പാലിച്ചുകൊണ്ടുള്ളതുമായ ചർച്ചകൾക്ക്  സമ്മേളനം സാക്ഷ്യം വഹിച്ചു. സമ്മേളനത്തിന് നൽകിയ പിന്തുണയ്ക്കും പ്രോത്സാഹനത്തിനുമുള്ള ആദരസൂചകമായി, സ്‌കൂൾ ചെയർമാൻ അഡ്വ. ബിനു മണ്ണിൽ വറുഗീസ്, പ്രിൻസിപ്പൽ ശാന്ത കുമാർ ദസരി എന്നിവർക്ക്  ഉപഹാരങ്ങൾ സമ്മാനിച്ചു. വയിൽ ഫാർമസി, യുനീകോ, ഫോർഡ്, ഐ.ഡി.പി , അൽമറായി,എം.ഐ.ടി , അൽമൊയ്യദ് മോട്ടോഴ്സ്, ടൈലോസ്, ബ്ലൂ സ്കൈ ട്രേഡിംഗ് എന്നിവരുടെ ഉദാരമായ സ്പോൺസർഷിപ്പിലൂടെയാണ് സമ്മേളനം  സാധ്യമായത്. ശനിയാഴ്ച നടക്കുന്ന അവാർഡ് ദാന ചടങ്ങോടെ സമ്മേളനം സമാപിക്കും; മികച്ച പ്രകടനം, നയതന്ത്രപാടവം, ഗവേഷണ മികവ്, നേതൃപാടവം, വാദപ്രതിവാദ ശേഷി എന്നിവ പ്രകടിപ്പിച്ച പ്രതിനിധികളെ ചടങ്ങിൽ ആദരിക്കും.

The post മോഡൽ യുനൈറ്റഡ് നേഷൻസ്  കോൺഫറൻസിൽ നേതൃപാടവം മിനുക്കി വിദ്യാർത്ഥികൾ appeared first on Starvision News Malayalam.

പരേതനായ രാജേഷ് പങ്കജാണ് ഭർത്താവ്. ഇന്ത്യൻ സ്കൂൾ വിദ്യാർഥികളായ റിഗ്വേദ് രാജ്, നക്ഷത്ര രാജ് എന്നിവർ മക്കളാണ്. സൽമാനിയ ആശുപത്രി മോർച്ചറിയിൽ സൂക്ഷിച്ചിരിക്കുന്ന ഭൗതികശരീരം ആവശ്യമായ നിയമനടപടികൾ പൂർത്തിയാക്കിയശേഷം നാട്ടിലേക്ക് കൊണ്ടുപോകുന്നതിനുള്ള ക്രമീകരണങ്ങൾ പുരോഗമിക്കുകയാണെന്ന് സ്കൂൾ അധികൃതർ അറിയിച്ചു.

The post ഇന്ത്യൻ സ്കൂൾ അധ്യാപിക ബിന്ദു രാജേഷ് ബഹ്‌റൈനിൽ നിര്യാതയായി appeared first on Starvision News Malayalam.

മനാമ: ബഹ്‌റൈനിലെ കൊല്ലം പ്രവാസികളുടെ സാമൂഹിക–സാംസ്കാരിക സംഘടനയായ കൊല്ലം പ്രവാസി അസോസിയേഷന്റെ (കെ.പി.എ) 2026–2028 കാലയളവിലേക്കുള്ള പുതിയ ഭരണസമിതി ചുമതലയേറ്റു. മുൻ ഭരണസമിതിയെ ആദരിക്കലും ‘വിളക്കുമരം 2026’ സുവനീർ പ്രകാശനവും ഇതോടനുബന്ധിച്ച് നടന്നു.

കെ.സി.എ ഹാളിൽ ‘കെ.പി.എ ഫെസ്റ്റ് 2026’ എന്ന പേരിൽ സംഘടിപ്പിച്ച ചടങ്ങിൽ ബഹ്‌റൈനിലെ സാമൂഹിക–സാംസ്കാരിക രംഗത്തെ പ്രമുഖരും കെ.പി.എ കുടുംബാംഗങ്ങളും പങ്കെടുത്തു.

ജനറൽ സെക്രട്ടറി പ്രശാന്ത് പ്രബുദ്ധൻ സ്വാഗതം ആശംസിച്ച ചടങ്ങിൽ പ്രസിഡന്റ് അനോജ് മാസ്റ്റർ അധ്യക്ഷത വഹിച്ചു. ബഹ്‌റൈൻ കേരളീയ സമാജം പ്രസിഡന്റ് പി.വി. രാധാകൃഷ്ണ പിള്ള ഉദ്ഘാടനം നിർവഹിച്ചു. ഇന്ത്യൻ സ്കൂൾ ബഹ്‌റൈൻ മുൻ ചെയർമാനും കെ.പി.എ രക്ഷാധികാരിയുമായ പ്രിൻസ് നടരാജൻ മുഖ്യപ്രഭാഷണം നടത്തി.

===================================================================

===================================================================

സംഘടനയുടെ കഴിഞ്ഞ രണ്ടുവർഷത്തെ പ്രവർത്തനങ്ങൾ ഉൾപ്പെടുത്തി തയ്യാറാക്കിയ ‘വിളക്കുമരം 2026’ സുവനീർ ചടങ്ങിൽ പ്രകാശനം ചെയ്തു. സുവനീർ എഡിറ്റർ സലീം തയ്യിലും എഡിറ്റോറിയൽ ബോർഡ് അംഗങ്ങളും ചേർന്ന് കെ.പി.എയുടെ മുതിർന്ന അംഗം റഹീം വാവാകുഞ്ഞിന് ആദ്യപ്രതി കൈമാറി.

പുതിയ ഭരണസമിതി അംഗങ്ങൾക്കുള്ള ബാഡ്ജുകൾ പി.വി. രാധാകൃഷ്ണ പിള്ളയും പ്രിൻസ് നടരാജനും ചേർന്ന് വിതരണം ചെയ്തു. കെ.ടി. സലിം, അസീൽ അബ്ദുൽറഹ്മാൻ, റഫീക്ക് അബ്ദുള്ള, ചന്ദ്രബോസ്, റഹീം വാവാകുഞ്ഞ് എന്നിവർ മുൻ ഭരണസമിതി അംഗങ്ങളെ ആദരിച്ചു.

പുതുതായി ചുമതലയേറ്റ കെ.പി.എ പ്രസിഡന്റ് നിസാർ കൊല്ലം മറുപടിപ്രസംഗം നടത്തി. ജനറൽ സെക്രട്ടറി ജഗത് കൃഷ്ണകുമാർ നന്ദി രേഖപ്പെടുത്തി.

തുടർന്ന് കെ.പി.എയുടെ കലാ–സാംസ്കാരിക വിഭാഗങ്ങളായ കെ.പി.എ സിംഫണി, പ്രവാസിശ്രീ, സൃഷ്ടി, ചിൽഡ്രൻസ് പാർലമെന്റ് എന്നിവയുടെ നേതൃത്വത്തിൽ സംഗീത–നൃത്ത പരിപാടികൾ അരങ്ങേറി. കുട്ടികളും വനിതകളും അവതരിപ്പിച്ച വൈവിധ്യമാർന്ന കലാപരിപാടികൾ കെ.പി.എ ഫെസ്റ്റ് 2026ന് കൂടുതൽ മികവേകി.

കെ.പി.എ കുടുംബാംഗങ്ങൾ, ബഹ്‌റൈനിലെ വിവിധ സാമൂഹിക–സാംസ്കാരിക സംഘടനകളുടെ പ്രതിനിധികൾ, വിശിഷ്ടാതിഥികൾ തുടങ്ങിയവർ ചടങ്ങിൽ പങ്കെടുത്തു. പുതിയ ഭരണസമിതിയുടെ പ്രവർത്തനങ്ങൾക്ക് ആവേശകരമായ തുടക്കമായി പരിപാടി മാറി.

The post കൊല്ലം പ്രവാസി അസോസിയേഷന്റെ പുതിയ ഭരണസമിതി ചുമതലയേറ്റു; ‘വിളക്കുമരം 2026’ സുവനീർ പ്രകാശനം ചെയ്തു appeared first on Starvision News Malayalam.

മനാമ: ബഹ്‌റൈൻ വിദ്യാഭ്യാസ, പരിശീലന ഗുണനിലവാര അതോറിറ്റി നടത്തിയ ഏറ്റവും പുതിയ വിദ്യാഭ്യാസ ഗുണനിലവാര അവലോകനത്തിൽ ഇന്ത്യൻ സ്കൂളിന് ‘ഗുഡ്’ റേറ്റിംഗ് ലഭിച്ചു. നവംബർ 30 മുതൽ ഡിസംബർ 4 വരെയായിരുന്നു അവലോകനം നടന്നത്.

1 മുതൽ 12 വരെയുള്ള ക്ലാസുകളിലെ വിദ്യാർത്ഥികൾക്ക് പ്രാപ്യവും തുല്യവും ഉയർന്ന നിലവാരമുള്ളതുമായ വിദ്യാഭ്യാസം നൽകുന്ന സ്കൂളിന്റെ പ്രതിബദ്ധതയെ ബി.ക്യു.എ അംഗീകരിച്ചു.

ബി.ക്യു.എയുടെ സിൽവർ മെമെന്റോയും സർട്ടിഫിക്കറ്റും പ്രിൻസിപ്പൽ വി.ആർ. പളനിസ്വാമി, സ്കൂൾ ചെയർമാൻ അഡ്വ. ബിനു മണ്ണിൽ വറുഗീസിന് ഔപചാരികമായി കൈമാറി.

ചടങ്ങിൽ സെക്രട്ടറി വി. രാജപാണ്ഡ്യൻ, വൈസ് ചെയർമാൻ ഡോ. മുഹമ്മദ് ഫൈസൽ, അസി. സെക്രട്ടറി രഞ്ജിനി മോഹൻ, പ്രോജക്ട് ആൻഡ് മെയിന്റനൻസ് അംഗം മിഥുൻ മോഹൻ, അംഗം ബിജു ജോർജ്, ട്രാൻസ്പോർട്ട് അംഗം മുഹമ്മദ് നയാസ് ഉല്ല, ജൂനിയർ വിംഗ് പ്രിൻസിപ്പൽ പമേല സേവ്യർ, വൈസ് പ്രിൻസിപ്പൽമാർ, വിഭാഗം മേധാവികൾ, സ്റ്റാഫ് പ്രതിനിധികൾ എന്നിവർ പങ്കെടുത്തു.

റിവ്യൂ റിപ്പോർട്ട് പ്രകാരം, വിദ്യാർത്ഥികൾക്ക് അവരുടെ പൂർണ്ണ ശേഷി കൈവരിക്കാൻ സഹായിക്കുന്ന പഠനാന്തരീക്ഷം ഇന്ത്യൻ സ്കൂൾ വിജയകരമായി സൃഷ്ടിച്ചിട്ടുണ്ട്. സ്കൂൾ ഭരണസമിതി, ജീവനക്കാർ, മാതാപിതാക്കൾ എന്നിവരുടെ കൂട്ടായ പ്രവർത്തനം അക്കാദമിക വളർച്ചയ്ക്കും തുടർച്ചയായ പുരോഗതിക്കും വലിയ സംഭാവന നൽകിയതായി റിപ്പോർട്ടിൽ ചൂണ്ടിക്കാട്ടി.

വിദ്യാഭ്യാസത്തോടുള്ള സമഗ്ര സമീപനത്തിന്റെ തെളിവായി അക്കാദമിക്, കായികം, കല എന്നീ മേഖലകളിലെ സ്കൂളിന്റെ നേട്ടങ്ങളും റിപ്പോർട്ട് എടുത്തുകാട്ടി. ക്ലാസ് റൂം പഠനത്തിന് പുറത്തുള്ള അക്കാദമിക പിന്തുണാ പരിപാടികൾ വിദ്യാർത്ഥികളുടെ പ്രകടനത്തിൽ ഗുണകരമായ സ്വാധീനം ചെലുത്തിയതായും വിലയിരുത്തി.

ചടങ്ങിൽ സംസാരിച്ച സ്കൂൾ ചെയർമാൻ അഡ്വ. ബിനു മണ്ണിൽ വറുഗീസ്, ഈ നേട്ടത്തിന് സംഭാവന നൽകിയ ഭരണസമിതി, സ്റ്റാഫ്, വിദ്യാർത്ഥികൾ, രക്ഷിതാക്കൾ എന്നിവരോട് നന്ദി അറിയിച്ചു. ബി.ക്യു.എ അവലോകന ശുപാർശകളുടെ അടിസ്ഥാനത്തിൽ സ്കൂൾ സമഗ്രമായ കർമ്മ പദ്ധതി തയ്യാറാക്കുമെന്നും അദ്ദേഹം വ്യക്തമാക്കി.

The post ബി.ക്യു.എ അവലോകനത്തിൽ ഇന്ത്യൻ സ്കൂളിന് ‘ഗുഡ്’ റേറ്റിംഗ് appeared first on Starvision News Malayalam.

മനാമ: ഇന്ത്യൻ സ്കൂൾ പ്ലാറ്റിനം ജൂബിലി ആഘോഷങ്ങളുടെ ഭാഗമായി  രണ്ടാം എഡിഷൻ  ചെസ് ചാമ്പ്യൻഷിപ്പ് സംഘടിപ്പിക്കുന്നു.  അർജുൻസ് ചെസ് അക്കാദമിയുമായി സഹകരിച്ച്  ജൂൺ 12 നാണ് സ്‌കൂളിൽ ചാമ്പ്യൻഷിപ്പ് സംഘടിപ്പിക്കുന്നത്. ബഹ്‌റൈനിൽ ഒരു ചെസ്സ് മത്സരത്തിൽ ഏറ്റവും കൂടുതൽ പങ്കാളിത്തം രേഖപ്പെടുത്തിയ കഴിഞ്ഞ വർഷത്തെ ചാമ്പ്യൻഷിപ്പിന്റെ ശ്രദ്ധേയമായ വിജയത്തെത്തുടർന്ന്, ഈ വർഷത്തെ പതിപ്പ്  കൂടുതൽ  യുവ പ്രതിഭകളെയും ചെസ്സ് പ്രേമികളെയും ഒരുമിച്ച് കൊണ്ടുവന്നു വേറിട്ട അനുഭവമാക്കാനാണ് തീരുമാനം. 

ചാമ്പ്യൻഷിപ്പിൽ ഇന്റർ-സ്കൂൾ ടീം ഇനവും  ഓപ്പൺ റാപ്പിഡ് ഇനവും ഉണ്ടായിരിക്കും.   14 വയസ്സിന് താഴെയുള്ള കുട്ടികൾക്കായി   ഒരു ടീമിനെ രജിസ്റ്റർ ചെയ്യാൻ സ്കൂളുകളെ ക്ഷണിക്കുന്നു. ഒരു സ്‌കൂളിൽ നിന്നും അക്കാദമിക വിഭാഗം തെരഞ്ഞെടുക്കുന്ന ഒരു ടീമിനെയായാണ് പങ്കെടുപ്പിക്കേണ്ടത്.  ഓരോ ടീമിലും ഒരു ആൺകുട്ടിയും ഒരു പെൺകുട്ടിയും ഉൾപ്പെടെ നാല് അംഗങ്ങൾ ഉണ്ടായിരിക്കണം. ഇന്റർ-സ്കൂൾ വിഭാഗത്തിൽ മത്സരം സൗജന്യമായിരിക്കും. ഓപ്പൺ വിഭാഗത്തിൽ, പങ്കെടുക്കുന്ന ഒരാൾക്ക് 3 ദിനാർ  പ്രവേശന ഫീസ് ബാധകമായിരിക്കും. ഫിഡെ  റാപ്പിഡ് നിയമങ്ങൾക്കനുസൃതമായി എല്ലാ മത്സരങ്ങളും നടത്തും. ഓരോ വിഭാഗത്തിലെയും മികച്ച ടീമുകൾക്ക് അവരുടെ പ്രകടനത്തിനും നേട്ടത്തിനും അംഗീകാരമായി ട്രോഫികളും സർട്ടിഫിക്കറ്റുകളും ലഭിക്കും.

വിവിധ വിഭാഗങ്ങളിലായി ആകർഷകമായ സമ്മാനങ്ങളും നൽകും. മികച്ച  പ്രകടനം കാഴ്ചവയ്ക്കുന്ന 10 പേർക്ക്  പ്രത്യേക അംഗീകാരവും നൽകും. ചാമ്പ്യൻഷിപ്പ് സംരംഭത്തിന് സ്‌കൂൾ  വൈസ് ചെയർമാനും  കായിക അംഗവുമായ ഡോ. മുഹമ്മദ് ഫൈസൽ നേതൃത്വം നൽകും. രണ്ടാം പതിപ്പ് രാജ്യത്തെ ഏറ്റവും ആവേശകരവും ഉൾക്കൊള്ളുന്നതുമായ ചെസ്സ് ഇവന്റുകളിൽ ഒന്നായി മാറുമെന്ന് പ്രതീക്ഷിക്കുന്നു.   വിദ്യാർത്ഥികളെയും രക്ഷിതാക്കളെയും ചെസ്സ് പ്രേമികളെയും ഈ  പരിപാടിയിൽ പങ്കെടുക്കാനും ഭാഗമാകാനും ഇന്ത്യൻ സ്‌കൂൾ സ്നേഹപൂർവ്വം ക്ഷണിക്കുന്നു.

സ്‌കൂൾ ചെയർമാൻ അഡ്വ. ബിനു മണ്ണിൽ വറുഗീസ്,  സെക്രട്ടറി വി. രാജപാണ്ഡ്യൻ,   വൈസ് ചെയർമാനും  സ്പോർട്സ് അംഗവുമായ ഡോ. മുഹമ്മദ് ഫൈസൽ, ഭരണ സമിതി  അംഗങ്ങൾ, പ്രിൻസിപ്പൽ വി.ആർ. പളനിസ്വാമി എന്നിവർ ചെസ്  ചാമ്പ്യൻഷിപ്പ് ഒരു വൻ വിജയമാക്കുന്നതിന്  അഭ്യർത്ഥിച്ചു. രജിസ്ട്രേഷനുള്ള അവസാന തീയതി: തിങ്കൾ, 8 ജൂൺ 2026. കൂടുതൽ വിവരങ്ങൾക്ക്,  ബന്ധപ്പെടുക: അർജുൻ കക്കാടത്ത് – ചീഫ് ആർബിട്രേറ്റർ: 3319 0004;  ഫൈസൽ മടപ്പള്ളി – കൺവീനർ: 3339 4919 ; ഷംഷാദ് – കോർഡിനേറ്റർ: 3929 1585. ഓപ്പൺ കാറ്റഗറിയിൽ പങ്കെടുക്കുന്നവർക്ക് നൽകിയിരിക്കുന്ന QR കോഡ് സ്കാൻ ചെയ്തുകൊണ്ട് രജിസ്റ്റർ ചെയ്യാം.

The post ഇന്ത്യൻ സ്കൂൾ പ്ലാറ്റിനം ജൂബിലി രണ്ടാം ചെസ് ചാമ്പ്യൻഷിപ്പ് സംഘടിപ്പിക്കുന്നു  appeared first on Starvision News Malayalam.