അമ്മയെ കൊലപ്പെടുത്തിയ ചിത്രങ്ങള്‍ വാട്‌സ് ആപ്പ് ഗ്രൂപ്പിലിട്ട മകൻ

കോട്ടയം: ചങ്ങനാശേരിയില്‍ അമ്മയെ മകന്‍ വെട്ടികൊന്ന സംഭവത്തില്‍ ഞെട്ടിക്കുന്ന വിവരങ്ങള്‍ പുറത്ത്. തൃക്കൊടിത്താനം അമര കന്യാകോണില്‍ അൻപത്തിഅഞ്ചു വയസുള്ള കുഞ്ഞന്നാമ്മയെയാണ്‌ 27 കാരനായ മകന്‍ നിതിന്റെ ക്രൂരതക്ക് ഇരയായത്. കൊലപാതകത്തിന് ശേഷം നിതിന്‍ അമ്മയുടെ മരിച്ചുകിടക്കുന്ന ഫോട്ടോ കുടുംബ വാട്സാപ്പ് ഗ്രൂപ്പില്‍ പോസ്റ്റ് ചെയ്തതായി പോലീസ് അറിയിച്ചു. ശനിയാഴ്ച രാത്രി 10.30 ഓടെ വീട്ടില്‍ വെച്ചാണ് നിതിന്‍ അമ്മയെ വെട്ടിക്കൊലപ്പെടുത്തിയത്. സംഭവ സ്ഥലത്തുവെച്ചു തന്നെ നിതിനെ പോലീസ് കസ്റ്റഡിയില്‍ എടുത്തിരുന്നു. അമ്മയും മകനും മാത്രമാണ് ഈ വീട്ടില്‍ താമസിക്കുന്നത്. നിതിന്‍ മദ്യം വാങ്ങി വന്നതു സംബന്ധിച്ച് വഴക്കാണ് കൊലപാതകത്തിൽ കലാശിച്ചത്.