തിരുവനന്തപുരം: സോളാർ കേസിലെ സിബിഐ അന്വേഷണത്തിൽ ഭയമില്ലെന്ന് ഉമ്മൻ ചാണ്ടി. ഇടതുസർക്കാർ അഞ്ചുകൊല്ലം അന്വേഷിച്ച ശേഷം ഒരു നടപടിയും എടുത്തില്ല. നിയമം നിയമത്തിന്റെ വഴിക്ക് പോകും. ജാമ്യമില്ലാത്ത വകുപ്പ് ചുമത്തിയിട്ടും ഞങ്ങളാരും കോടതിയെ പോലും സമീപിച്ചിട്ടില്ലന്നും ഉമ്മൻ ചാണ്ടി പ്രതികരിച്ചു. സോളാർ കേസ് പരിപൂർണ്ണമായും രാഷ്ട്രീയ പ്രേരിതമെന്നായിരുന്നു ഹൈബി ഈഡൻ എം.പിയുടെ പ്രതികരണം. നേരറിയാൻ സംസ്ഥാന സർക്കാറിൻ്റെ പൊലീസിന് കഴിഞ്ഞില്ല സിബിഐക്ക് നേരറിയാൻ സാധിക്കട്ടെയെന്നും ഹൈബി ഈഡൻ പറഞ്ഞു.
