മനാമ: ഷിഫാ ദാർഖുലൈബ് മെഡിക്കൽ സെന്ററിന്റെ ഉത്ഘാടനം നടന്നു. അൽ അമൽ ഹോസ്പിറ്റൽ ചെയർ വുമൺ നിർമ്മല ശിവദാസൻ ഉത്ഘാടനം ചെയ്ത ചടങ്ങിൽ ഷിഫാ മെഡിക്കൽ ഗ്രൂപ്പ് മാനേജിങ് ഡയറക്ടർ അബൂബക്കർ കിളിയാണി, ഷിഫാ ദാർഖുലൈബ് മെഡിക്കൽ സെന്റർ മെഡിക്കൽ ഡയറക്ടർ ജയ് ഗോവിന്ദ്, ജനറൽ വിഭാഗം ഡോക്ടർമാരായ ഡോ: സുൽത്താന നസ്രീൻ, ഡോ: ജോയൽ സുരേന്ദർ, ഷിഫാ മെഡിക്കൽ ഗ്രൂപ്പ് മാനേജർ സജിത്ത് സുധാകരൻ എന്നിവരും പങ്കെടുത്തു. ഹമദ് ടൗൺ ദാർഖുലൈബ് മെഡിക്കൽ സെന്ററിന്റെ പ്രവർത്തനം രാവിലെ 8 മണി മുതൽ രാത്രി 12 വരെയാണ്.