മനാമ: ഹൃസ്വ സന്ദർശനാർത്ഥം ബഹ്റൈനിൽ എത്തിയ സമസ്ത കേരള ജംഇയ്യത്തുൽ ഉലമ കേന്ദ്ര മുശാവറ അംഗം, സമസ്ത കേരള ജംഇയ്യത്തുൽ മുഅല്ലിമീൻ സംസ്ഥാന പ്രസിഡണ്ട്, ഉസ്താദ് ഡോ: ബഹാവുദ്ദീൻ മുഹമ്മദ് നദ്‌വിയെ ബഹ്റൈൻ എയർപോർട്ടിൽ സമസ്ത ബഹ്റൈൻ നേതാക്കൾ സ്വീകരിക്കുകയും തുടർന്ന് മനാമ സമസ്ത ഓഡിറ്റോറിയത്തിൽ മനാമ ഇർഷാദ് മുസ്ലിമീൻ മദ്റസയുടെ കീഴിൽ നടന്നു വരുന്ന ഇഫ്താർ സംഗമത്തിൽ ഉസ്താദ് പങ്കെടുത്തു.
സമസ്ത ബഹ്റൈൻ പ്രസിഡണ്ട് സയ്യിദ് ഫഖ്റുദ്ദീൻ കോയ തങ്ങൾ, ജനറൽ സെക്രട്ടറി വി കെ കുഞ്ഞമ്മദ് ഹാജി, ട്രഷറർ എസ്.എം അബ്ദുൽ വാഹിദ്, കോഡിനേറ്റർ അഷറഫ് അവരി ചേലക്കര, ഹാഫിള് ശറഫുദ്ദീൻ മൗലവി, എസ്.കെ.എസ്.എസ്.എഫ് ബഹ്റൈൻജനറൽ സെക്രട്ടറി മജീദ് ചോലക്കോട് തുടങ്ങിയ ബഹ്റൈൻ സമസ്തയുടെയും മനാമ മദ്റസയുടെയും നേതാക്കളും പ്രവർത്തകരും സന്നിഹിതരായിരുന്നു.
