പത്തനംതിട്ട: ശബരമിലയിൽ പ്രതിദിന തീർത്ഥാടകരുടെ എണ്ണം 5000 ആയി ഉയർത്താൻ ഹൈക്കോടതി അനുമതി നൽകി. വിവിധ സംഘടനകൾ തീർത്ഥാടകരുടെ എണ്ണം വർദ്ധിപ്പിക്കണമെന്ന് ആവശ്യപ്പെട്ട് സമർപ്പിച്ച ഹർജിയിലാണ് കോടതിയുടെ ഈ ഉത്തരവ്. തീർത്ഥാടന സമയത്ത് കൊറോണ നെഗറ്റീവ് സർട്ടിഫിക്കറ്റ് നിർബന്ധമാക്കണമെന്ന് ഹൈക്കോടതി നിർദേശിച്ചു. അന്റിജൻ ടെസ്റ്റിൽ നെഗറ്റീവായ റിസൾട്ടുകളുമായി എത്തുന്നവരെ പ്രവേശനത്തിന് അനുവദിക്കരുതെന്നും അർടിപിസിആർ ടെസ്റ്റിൽ നെഗറ്റീവ് ആയവരെ മാത്രമെ പ്രവേശിപ്പിക്കാവൂ എന്നും കോടതി ഉത്തരവിൽ പറയുന്നു. നിലവിൽ ശബരിമലയിൽ പ്രതിദിനം 2000 പേർക്കും ശനി, ഞായർ ദിവസങ്ങളിൽ 3000 പേർക്കുമാണ് പ്രവേശനം.
