ഉത്ര കൊലപാതകം: ആദ്യ അന്വേഷണ ഉദ്യോഗസ്‌ഥനെതിരെ റിപ്പോർട്ട്

കൊല്ലം: ഉത്ര കൊലപാതക കേസിലെ ആദ്യ അന്വേഷണ ഉദ്യോഗസ്‌ഥനായ അഞ്ചല്‍ സർക്കിള്‍ ഇന്‍സ്പെക്ടര്‍ വീഴ്ചവരുത്തിയതായി അന്വേഷണ റിപ്പോര്‍ട്ട്. കേസുമായി ബന്ധപ്പെട്ട പ്രാഥമിക അന്വേഷണത്തിൽ വീഴ്ച വരുത്തി എന്നതാണ് റിപ്പോർട്ട്. അഭ്യന്തര അന്വേഷണ റിപ്പോര്‍ട്ട് ഡിജിപിക്ക് കൈമാറിയിട്ടുണ്ട്. ഉത്രയുടെ കുടുംബം മരണത്തില്‍ സംശയം ഉണ്ടെന്ന് അഞ്ചല്‍ സര്‍ക്കിള്‍ ഇന്‍സ്പെക്ടര്‍ എല്‍ സുധിറിന് മൊഴി നൽകിയിരുന്നു. എന്നാൽ പ്രാഥമിക വിവരങ്ങൾ ശേഖരിക്കുന്നതിൽ പോലും സി.ഐ ക്ക് വീഴ്ച പറ്റിയതായാണ് റൂറല്‍ എസ് പിയും ക്രൈം ബ്രാഞ്ചും നൽകിയ റിപ്പോർട്ട്.