മനാമ: റാഷിദ് ഇക്വസ്ട്രിയൻ ആൻഡ് ഹോഴ്‌സ് റേസിംഗ് ക്ലബ്, ഈ സീസണിലെ 22-ാമത് റേസ് സംഘടിപ്പിച്ചു. സഖീറിലെ അൽ റഫ ഏരിയയിലാണ് ക്ലബ്ബ് റേസ് സംഘടിപ്പിച്ചത്. വിജയികൾക്ക് മത്സരത്തിന്റെ ഔദ്യോഗിക സ്പോൺസറായ നാഷണൽ ബാങ്ക് ഓഫ് ബഹ്‌റൈൻ കപ്പുകൾ സമ്മാനിച്ചു. നാഷണൽ ബാങ്ക് ഓഫ് ബഹ്‌റൈൻ ചീഫ് എക്‌സിക്യൂട്ടീവ് ഓഫീസർ ഒത്മാൻ അഹമ്മദ്, സ്ട്രാറ്റജിക് അക്കൗണ്ട്‌സ് ചീഫ് എക്‌സിക്യൂട്ടീവ് ഓഫീസർ അബ്ദുൾ അസീസ് അൽ അഹമ്മദ്, ബാങ്ക് പ്രതിനിധികൾ എന്നിവർ സമ്മാനം വിതരണം ചെയ്തു.