ശബരിമലവിവാദം-രഹ്നാ ഫാത്തിമയ്ക്ക് ബിഎസ്എന്‍എല്‍ ജോലി നഷ്ടമായി

കൊച്ചി: ശബരിമല വിഷയത്തിൽ വിശ്വാസി അല്ലാതിരുന്നിട്ടും ആചാര ലംഘനത്തിനു ശ്രമിച്ച രഹ്ന ഫാത്തിമയെ നിർബന്ധിത വിരമിക്കലിന് ബി.എസ്.എൻ.എൽ നിർദ്ദേശം നൽകിയെന്ന ആരോപണവുമായി രഹ്ന ഫാത്തിമ രംഗത്തെത്തി.ജനരോഷം ഉണ്ടാവും എന്ന് ഭയന്ന് ഒന്നരവര്‍ഷം നടപടികള്‍ നീട്ടിക്കൊണ്ടുപോയെന്നും ജൂനിയര്‍ എന്‍ജിനിയര്‍ ആയുള്ള റിസള്‍ട്ടും പ്രമോഷനും തടഞ്ഞുവച്ചുവെന്നും രഹ്ന ആരോപിക്കുന്നുണ്ട്. ആളുകള്‍ ഈ വിഷയം മറന്നു തുടങ്ങുന്ന അവസരത്തിലാണ് ഇപ്പോള്‍ ഇങ്ങനെ ഒരു തീരുമാനം ഉണ്ടായിട്ടുള്ളതെന്നും ആരോപിക്കുന്നു . താൻ പ്രവര്‍ത്തിച്ച എംപ്ലോയീസ് യൂണിയന്‍ പോലും ഈ വിഷയത്തില്‍ പ്രതികരിക്കാന്‍ ഭയന്ന് മൗനം പാലിക്കുന്നുവെന്നും രഹ്ന ആരോപിക്കുന്നു.