ബ​ഹ്​​റൈ​ൻ കാ​യി​ക​ ദി​നാ​ച​ര​ണം സംഘടിപ്പിച്ചു

മ​നാ​മ: ബഹ്‌റൈൻ സ്‌പോർട്‌സ് ഡേ 2022 ന്റെ ഭാഗമായി ബഹ്‌റൈനിലെ വിവിധ മന്ത്രാലയങ്ങളും സർക്കാർ അതോറിറ്റികളും കായിക ദിനാചരണം സംഘടിപ്പിച്ചു. വിവിധതരം മത്സരങ്ങളും കായിക പരിപാടികളുമാണ് മന്ത്രാലയങ്ങൾ സംഘടിപ്പിച്ചത്. ആ​രോ​ഗ്യ​ക​ര​മാ​യ ജീ​വി​തം ​പ്രോ​ത്സാ​ഹി​പ്പി​ക്കു​ന്ന​തി​നും കാ​യി​ക​ശീ​ല​ങ്ങ​ൾ ജീ​വി​ത​ത്തി​ന്‍റെ ഭാ​ഗ​മാ​ക്കു​ന്ന​തിന്​ പ്രേ​ര​ണ ന​ൽ​കു​ന്ന​തി​നുമാണ് കാ​യി​ക​ദി​നാ​ച​ര​ണം സം​ഘ​ടി​പ്പി​ക്കു​ന്നത്. പ​കു​തി ജോ​ലി സ​മ​യം ഇ​തി​നാ​യി നീ​ക്കി​വെ​ക്ക​ണ​മെ​ന്നാ​ണ്​ കി​രീ​ടാ​വ​കാ​ശി​യും പ്ര​ധാ​ന​മ​ന്ത്രി​യു​മാ​യ ​പ്രി​ൻ​സ്​ സ​ൽ​മാ​ൻ ബി​ൻ ഹ​മ​ദ്​ ആ​ൽ ഖ​ലീ​ഫ നി​ർ​ദേ​ശം ന​ൽ​കി​യി​ട്ടു​ള്ള​ത്.

വി​വി​ധ മ​ന്ത്രാ​ല​യ​ങ്ങ​ളി​ലെ​യും സ​ർ​ക്കാ​ർ ഓ​ഫി​സു​ക​ളി​ലെ​യും സ്വ​കാ​ര്യ മേ​ഖ​ല​യി​ലെ​യും ജീ​വ​ന​ക്കാ​ർ ഇ​തി​ൽ പ​ങ്കാ​ളി​ക​ളായി. ജനങ്ങൾക്കിടയിൽ ആരോഗ്യകരമായ ജീവിതത്തിന്‍റെയും വ്യായാമത്തിന്‍റെയും പ്രാധാന്യം ഊട്ടിയുറപ്പിക്കുന്നതിനാണ് കായിക ദിനാചരണം ലക്ഷ്യമിടുന്നത്. വിവിധ സ്വകാര്യ കമ്പനികളും ക്ല​ബു​ക​ളും സാ​മൂ​ഹി​ക സം​ഘ​ട​ന​ക​ളും കായിക ദിനാചരണത്തോ​ട​നു​ബ​ന്ധി​ച്ച്​ വി​വി​ധ പ​രി​പാ​ടി​ക​ൾ ഒ​രു​ക്കിയിട്ടുണ്ട്.