കൊച്ചി: തിരുവനന്തുുരം വിമാനത്താവളം വഴി സ്വര്ണക്കടത്തിയ കേസിലെ പ്രതി സ്വപ്നാ സുരേഷിന്റെ ഫോണ് ചാറ്റുകള് എന്.ഐ.എ. വീണ്ടെടുത്തു. സംസ്ഥാനത്തെ ഉന്നതരുമായി നടത്തിയ ചാറ്റുകളുടെ സ്ക്രീന് ഷോട്ടുകള് സ്വപ്ന ഗൂഗിള് ഡ്രൈവില് പ്രത്യേകം സൂക്ഷിച്ചിരുന്നു. ഇതാണ് എന്.ഐ.എ.യ്ക്ക് ലഭിച്ചിരിക്കുന്നത്.
ഇത്തരം ചാറ്റുകളുടെ സ്ക്രീന് ഷോട്ട് എടുത്ത് ഗൂഗിള് ഡ്രൈവില് സ്വപ്ന പ്രത്യേകം സൂക്ഷിക്കുകയായിരുന്നുവെന്ന നിഗമനത്തിലാണ് എന്.ഐ.എ. ഒരു മന്ത്രിയുടെ വീട്ടില് സ്വപ്നയും സരിത്തും സന്ദീപ് നായരും ഒട്ടേറെ തവണ എത്തിയിരുന്നതായി എന്.ഐ.എ.യ്ക്ക് വിവരം ലഭിച്ചിട്ടുണ്ട്. ഉന്നതരുടെ ഭാര്യമാരുമായി സ്വപ്ന ഷോപ്പിങ്ങിനു പോയിരുന്നതായും കണ്ടെത്തിയിട്ടുണ്ട്.
അതേസമയം, ഉന്നതരുടെകുടുംബാംഗങ്ങളുമായുള്ള ബന്ധം സ്വപ്ന കരുതിക്കൂട്ടി ഉണ്ടാക്കിയതാണെന്നാണ് കരുതുന്നത്. ഉന്നതന്റെ മകന് സ്വപ്നയുടെ ബിസിനസില് പങ്കാളിയാണെന്നുമാണ് എന്.ഐ.എ. കണ്ടെത്തിയിരിക്കുന്നത്.