ഹൃദയാഘാതം മൂലം ആലപ്പുഴ സ്വദേശി ബഹ്റൈനിൽ നിര്യാതനായി

മനാമ: മിൽമ ഗ്രെയിൻസ് ജീവനക്കാരനായിരുന്ന ചാക്കോ തോമസ് (55) നിര്യാതനായി. ഹൃദയാഘാതത്തെത്തുടർന്ന് സൽമാനിയ ആശുപത്രിയിലേക്ക് കൊണ്ടുപോയെങ്കിലും വഴിമധ്യേ മരിച്ചു. ഭാര്യ: സൽമാനിയ ആശുപത്രിയിൽ നഴ്സ് ആയ എസ്തർ( അഞ്ജു) മൂന്ന് മക്കളുണ്ട്. ഇവർ ഹൈദരാബാദിൽ വിദ്യാർഥികളാണ്. മൃതദേഹം ഇന്ന് ഹൈദരാബാദിലേക്ക് കൊണ്ടുപോകും. ആലപ്പുഴ മാന്നാർ സ്വദേശിയായ ചാക്കോയുടെ കുടുംബം വർഷങ്ങളായി ഹൈദരാബാദിലാണ്. 30 വർഷമായി ബഹ്റൈനിലാണ് ചാക്കോ ജോലി ചെയ്തിരുന്നത്.