കല്പ്പറ്റ: ദുരിതബാധിതരെ നേരില് കണ്ട് ആശ്വസിപ്പിക്കാനായി പ്രധാനമന്ത്രി നരേന്ദ്രമോദി വയനാട്ടിലെത്തി. കണ്ണൂരില് നിന്നും വ്യോമസേനയുടെ ഹെലികോപ്റ്ററില് കല്പ്പറ്റയിലെ എസ്കെഎംജെ ഹയര് സെക്കന്ഡറി സ്കൂളില് ഹെലികോപ്റ്റര് ഇറങ്ങിയ പ്രധാമന്ത്രി അവിടെ നിന്ന് റോഡ് മാര്ഗം ചൂരല്മലയിലേക്ക് പോകും. ബെയ്ലി പാലത്തിലൂടെ നടന്നു പോകുന്ന പ്രധാനമന്ത്രി വിവിധ രക്ഷാസേനകളെ അഭിനന്ദിക്കും. വയനാട്ടിലെ ദുരന്തഭൂമിയില് ആകാശനിരീക്ഷണം പൂര്ത്തിയാക്കിയ ശേഷമാണ് കല്പ്പറ്റയില് ഇറങ്ങിയത്.
രാവിലെ പതിനൊന്ന് മണിയോടെ കണ്ണൂര് വിമാനത്താവളത്തിലെത്തിയ പ്രധാനമന്ത്രി നരേന്ദ്രമോദിയെ കേരള ഗവര്ണര് ആരിഫ് മുഹമ്മദ് ഖാനും മുഖ്യമന്ത്രി പിണറായി വിജയനും ചേര്ന്ന് സ്വീകരിച്ചു. ഹെലികോപ്റ്ററില് ആരിഫ് മുഹമ്മദ്ഖാന്, മുഖ്യമന്ത്രി, കേന്ദ്രമന്ത്രി സുരേഷ് ഗോപി എന്നിവരും മോദിക്കൊപ്പം യാത്ര ചെയ്തു.