രോഗികളുടെ പുനരധിവാസം: സൈക്യാട്രിക് ആശുപത്രിയില്‍ ‘മിനി സ്‌കൂള്‍’ ആരംഭിച്ചു

മനാമ: ബഹ്‌റൈന്‍ ട്രസ്റ്റ് ഫൗണ്ടേഷനും സര്‍ക്കാര്‍ ആശുപത്രികളും സഹകരിച്ച് സൈക്യാട്രിക് ആശുപത്രിയില്‍ ‘മിനി സ്‌കൂള്‍’ ആരംഭിച്ചു. രോഗികള്‍ക്ക് പുനരധിവാസത്തിനുള്ള വിദ്യാഭ്യാസം നല്‍കുകയാണ് സ്‌കൂളിന്റെ ലക്ഷ്യം.
ആശുപത്രിയില്‍ പുനരധിവാസ സൗകര്യങ്ങള്‍ വര്‍ധിപ്പിക്കുന്നതില്‍ ഈ സംരംഭത്തിന് പ്രാധാന്യമുണ്ടെന്ന് സര്‍ക്കാര്‍ ആശുപത്രികളുടെ സി.ഇ.ഒ. ഡോ. മറിയം അല്‍ ജലഹമ പറഞ്ഞു. മാനസിക വീണ്ടെടുക്കലില്‍ വിദ്യാഭ്യാസം നിര്‍ണായക പങ്കു വഹിക്കുന്നുണ്ടെന്നും ആരോഗ്യ സേവനങ്ങള്‍ക്ക് പൂരകമായി പ്രവര്‍ത്തിക്കുന്നുണ്ടെന്നും അവര്‍ പറഞ്ഞു.