കൊച്ചി: പ്രവാസി കമ്മീഷന്റെ മീറ്റിങ്ങും അദാലത്തും കമ്മീഷൻ ചെയർപേഴ്സൻ ജസ്റ്റിസ് പി ഡി രാജന്റെ ആദ്യക്ഷതയിൽ എറണാകുളം സർക്കാർ അതിഥി മന്ദിരത്തിൽ നടന്നു. ചെയർമാന് പുറമെ അംഗങ്ങളായ സുബൈർ കണ്ണൂർ, ഡോ. ഷംസീർ വയലിൽ, മെമ്പർ സെക്രട്ടറി ഫാസിൽ എന്നിവരും ങ്കെടുത്തു.
എയർപോർട്ടിലെത്തുന്ന പ്രവാസികളോട് സുതാര്യമല്ലാത്തകോവിഡ് പരിശോധന സംവിധാനങ്ങൾക്ക് വലിയ തുക ഈടാക്കുകയും തെറ്റായ റിസൾട്ട് നൽകി സാധാരക്കാരായ പ്രവാസികളുടെ യാത്ര അനിശ്ചിതത്തിലാക്കി, ഒട്ടേറെ ആളുകളുടെ തൊഴിൽ നഷ്ടപ്പെടുന്ന അവസ്ഥക്ക് പരിഹാരം കാണണമെന്ന പ്രവാസി കോൺഗ്രസ്സ് സ്റ്റേറ്റ് കമ്മറ്റി സെക്രട്ടറി, സലീം പള്ളിവിളയുടെ പരാതിയിൻ മേൽ എതിർകക്ഷികളായ എയർപോർട്ട് അതോറിറ്റി, സ്വകാര്യലാബ് പ്രതിനിധി, ഡിഎംഒ എന്നിവരെ വിളിച്ച് വരുത്തി തെളിവെടുപ്പ് നടത്തുകയുണ്ടായി.
കമ്മീഷൻ മീറ്റിങ്ങിൽ ഉക്രൈനിലെ ഇന്ത്യൻ സമൂഹവും പ്രത്യേകിച്ച് കേരളത്തിൽ നിന്ന് പഠിക്കാൻ പോയ വിദ്യാർത്ഥികളുടെ സംരക്ഷണം ഉറപ്പ് വരുത്തേണ്ട വിഷയങ്ങൾ കേന്ദ്ര കേരള സർക്കാറിന്റെ ശ്രദ്ധയിൽ കൊണ്ട് വരുവാനും തീരുമാനിച്ചു.
