കോഴിക്കോട്: നാട്ടിലേക്കുള്ള യാത്രയ്ക്കിടെ കാണാതായ മലയാളി സൈനികന്‍ വിഷ്ണുവിനെ കണ്ടെത്തി. ഇന്നലെ രാത്രി ബെംഗളൂരുവില്‍ നിന്നാണ് വിഷ്ണുവിനെ എലത്തൂര്‍ പോലീസ് കണ്ടെത്തിയത്. സാമ്പത്തിക പ്രയാസം മൂലം നാട്ടില്‍നിന്ന് മാറിനിന്നതാണെന്നാണ് വിഷ്ണു പറയുന്നത്.
വിഷ്ണുവിന്റെ ചില സുഹൃത്തുക്കളില്‍നിന്ന് കിട്ടിയ വിവരമനുസരിച്ചാണ് പോലീസ് ബെംഗളൂരുവിലെത്തിയത്. കഴിഞ്ഞ മാസം 17നാണ് പുനെ ആര്‍മി സ്‌പോര്‍ട്‌സ് ഇന്‍സ്റ്റിറ്റ്യൂട്ടില്‍നിന്ന് അവധിക്ക് നാട്ടിലേക്കു തിരിച്ച വിഷ്ണുവിനെ കാണാതായത്. വിഷ്ണുവിനെ കാണാനില്ലെന്ന് ബന്ധുക്കള്‍ പോലീസില്‍ പരാതി നല്‍കിയിരുന്നു. സൈനികരും വിഷ്ണുവിനായി അന്വേഷണം നടത്തിയിരുന്നു.