ലോക്ക് ഡൗണ്‍; സംസ്ഥാനത്തെ പാര്‍സൽ, കൊറിയര്‍ സര്‍വ്വീസുകള്‍ ഇന്നുമുതല്‍ പുനരാരംഭിക്കും

തിരുവനന്തപുരം: ലോക്ക് ഡൗണിനെത്തുടന്ന് പ്രവർത്തനം നിർത്തലാക്കിയിരുന്ന സംസ്ഥാനത്തെ കൊറിയര്‍ പാര്‍സല്‍ സര്‍വ്വീസുകള്‍ ഇന്ന് മുതല്‍ പ്രവര്‍ത്തനം പുനരാരംഭിക്കും. ഓണ്‍ലൈനായും ചരക്ക് ലോറി ഉടമകള്‍ക്ക് പാസ് എടുക്കാം. ഇതിനായി അന്‍പതിനായിരം വെഹിക്കിള്‍ പാസുകള്‍ കളക്ടര്‍മാര്‍ക്ക് അച്ചടിച്ച് നല്‍കി. അവശ്യസാധനങ്ങള്‍ അല്ലാത്ത ഉല്‍പ്പന്നങ്ങള്‍ക്കും തടസ്സമില്ലാതെ കൊണ്ടുപോകാന്‍ അനുമതി നല്‍കിയിട്ടുണ്ട്. httsp://pass.bsafe.kerala.gov.in എന്ന ലിങ്ക് വഴി പൊതുജനങ്ങള്‍ക്ക് ഈ സൗകര്യം പ്രയോജനപ്പെടുത്താം. എഡിജിപി മനോജ് എബ്രഹാമിന്റെ നേതൃത്വത്തില്‍ സൈബര്‍ ഡോമിലെ വിദഗ്ധ സംഘമാണ് ഓണ്‍ലൈന്‍ സംവിധാനം വികസിപ്പിച്ചത്.