വി​സി​റ്റ് വി​സ​യി​ൽ വ​ന്ന് ജോ​ലി​യി​ൽ ഏ​ർ​പ്പെ​ടു​ന്ന​ത് നി​യ​മ​വി​രു​ദ്ധം; ​രാ​ജ്യ​ത്ത് എ​ത്തു​ന്ന​തി​ന് മു​മ്പു​ത​ന്നെ തൊഴിൽ വിസ നേടണം

മനാമ: ബ​ഹ്‌​റൈ​നി​ലെ എ​ല്ലാ പ്ര​വാ​സി തൊ​ഴി​ലാ​ളി​ക​ളും ത​ങ്ങ​ളു​ടെ രേ​ഖ​ക​ൾ നി​യ​മാ​നു​സൃ​ത​മാ​ണെ​ന്ന് ഉ​റ​പ്പു​വ​രു​ത്തണമെന്ന് ലേ​ബ​ർ മാ​ർ​ക്ക​റ്റ് റെ​ഗു​ലേ​റ്റ​റി അ​തോ​റി​റ്റി (എ​ൽ.​എം.​ആ​ർ.​എ) അറിയിച്ചു. എ​ൽ‌.​എം‌.​ആ​ർ.‌​എ, റെ​സി​ഡ​ൻ​സി നി​യ​മ​ങ്ങ​ൾ എ​ന്നി​വ ഉ​ൾ​പ്പെ​ടെ രാ​ജ്യ​ത്ത് ബാ​ധ​ക​മാ​യ എ​ല്ലാ നി​യ​മ​ങ്ങ​ളും ച​ട്ട​ങ്ങ​ളും തൊ​ഴി​ലാ​ളി​ക​ൾ പാ​ലി​ക്ക​ണ​മെ​ന്നും വ്യക്തമാക്കി. പ്ര​വാ​സി തൊ​ഴി​ലാ​ളി രാ​ജ്യ​ത്ത് എ​ത്തു​ന്ന​തി​ന് മു​മ്പു​ത​ന്നെ ഒ​രു തൊ​ഴി​ലു​ട​മ​യി​ൽ ​നി​ന്ന് ഔ​ദ്യോ​ഗി​ക വ​ർ​ക്ക് പെ​ർ​മി​റ്റ് നേ​ടി​യി​രി​ക്ക​ണം.വി​സി​റ്റ് വി​സ​യി​ൽ വ​ന്ന​വ​ർ ജോ​ലി​യി​ൽ ഏ​ർ​പ്പെ​ടു​ന്ന​ത് നി​യ​മ​വി​രു​ദ്ധ​മാ​ണ്. നി​യ​മം ലം​ഘി​ച്ചാ​ൽ പി​ഴ​യും നാ​ടു​ക​ട​ത്ത​ലും നേ​രി​ടേ​ണ്ടി​വ​രും.

ആ​ദ്യ​മാ​യി രാ​ജ്യ​ത്ത് പ്ര​വേ​ശി​ച്ച് ഒ​രു മാ​സ​ത്തി​നു​ള്ളി​ൽ ബ​യോ​മെ​ട്രി​ക് ഡേ​റ്റ ന​ൽ​കു​ന്ന​ത് ഉ​ൾ​പ്പെ​ടെ, വ​ർ​ക്ക് പെ​ർ​മി​റ്റു​മാ​യി ബ​ന്ധ​പ്പെ​ട്ട എ​ല്ലാ നി​യ​മ ന​ട​പ​ടി​ക​ളും പ്ര​വാ​സി തൊ​ഴി​ലാ​ളി​ക​ൾ പൂ​ർ​ത്തീ​ക​രി​ക്ക​ണം. വ​ർ​ക്കി​ങ് പെ​ർ​മി​റ്റു​ള്ള പ്ര​വാ​സി​ക​ൾ പെ​ർ​മി​റ്റി​ൽ സൂ​ചി​പ്പി​ച്ചി​രി​ക്കു​ന്ന സ്ഥ​ല​ങ്ങ​ളി​ലോ അ​തേ പ്ര​വ​ർ​ത്ത​ന​ത്തി​ൽ ഏ​ർ​പ്പെ​ടു​ന്ന അ​തേ തൊ​ഴി​ലു​ട​മ​യു​ടെ മ​റ്റ് ശാ​ഖ​ക​ളി​ലോ ജോ​ലി ചെ​യ്യ​ണം. ആ​രോ​ഗ്യ ഇ​ൻ​ഷു​റ​ൻ​സ് ചെ​ല​വു​ക​ൾ ഉ​ൾ​പ്പെ​ടെ തൊ​ഴി​ലാ​ളി​യു​ടെ മേ​ൽ ചു​മ​ത്തു​ന്ന എ​ല്ലാ ഫീ​സും തൊ​ഴി​ലു​ട​മ വ​ഹി​ക്ക​ണം. വ​ർ​ക്ക് പെ​ർ​മി​റ്റ് ഇ​ഷ്യൂ ചെ​യ്യു​ന്ന​തി​നോ പു​തു​ക്കു​ന്ന​തി​നോ തൊ​ഴി​ലാ​ളി തൊ​ഴി​ലു​ട​മ​ക്ക് പ​ണ​മോ ആ​നു​കൂ​ല്യ​ങ്ങ​ളോ ന​ൽ​കാ​ൻ പാ​ടി​ല്ല. തൊ​ഴി​ൽ മാ​റു​ക​യാ​ണെ​ങ്കി​ൽ, തൊ​ഴി​ൽ​മാ​റ്റ ന​ട​പ​ടി​ക​ൾ പൂ​ർ​ത്തി​യാ​കു​ന്ന​തു​വ​രെ​യും പു​തി​യ തൊ​ഴി​ലു​ട​മ​യു​ടെ കീ​ഴി​ൽ പു​തി​യ വ​ർ​ക്ക് പെ​ർ​മി​റ്റ് ല​ഭി​ക്കു​ന്ന​തു​വ​രെ​യും നി​ല​വി​ലെ തൊ​ഴി​ലു​ട​മ​യു​ടെ കീ​ഴി​ൽ ജോ​ലി ചെ​യ്യു​ന്ന​ത് അ​വ​സാ​നി​പ്പി​ക്കാ​നും എ​ൽ.​എം.​ആ​ർ.​എ നി​ർ​ദേ​ശി​ച്ചു.

തൊ​ഴി​ലു​ട​മ നി​ർ​ബ​ന്ധി​ച്ച് ജോ​ലി ചെ​യ്യി​ക്കു​ക, വേ​ത​നം ന​ൽ​കാ​തി​രി​ക്കു​ക, മ​നു​ഷ്യ​ക്ക​ട​ത്ത് തു​ട​ങ്ങി​യ സ​ന്ദ​ർ​ഭ​ങ്ങ​ളി​ൽ അ​ധി​കൃ​ത​രു​ടെ ഇ​ട​പെ​ട​ലു​ണ്ടാ​കും.ഇ​ക്കാ​ര്യ​ങ്ങ​ളി​ൽ സ​ഹാ​യ​വും മാ​ർ​ഗ​നി​ർ​ദേ​ശ​വും ല​ഭി​ക്കു​ന്ന​തി​ന് ബ​ന്ധ​പ്പെ​ട്ട കേ​ന്ദ്ര​ങ്ങ​ളു​മാ​യി ബ​ന്ധ​പ്പെ​ട​ണം. എ​ക്സ്പാ​ട്രി​യ​റ്റ് വ​ർ​ക്കേ​ഴ്സ് പ്രൊ​ട്ട​ക​ഷ്ട​ൻ ആ​ൻ​ഡ് സ​പ്പോ​ർ​ട്ട് സെ​ന്റ​റ​റി​ൽ വി​വി​ധ ഭാ​ഷ​ക​ളി​ൽ 24 മ​ണി​ക്കൂ​റും പ്ര​വ​ർ​ത്തി​ക്കു​ന്ന 995 എ​ന്ന ഹോ​ട്ട്‌​ലൈ​ൻ ന​മ്പ​റി​ൽ ബ​ന്ധ​പ്പെ​ട്ട് പ്ര​വാ​സി തൊ​ഴി​ലാ​ളി​ക​ൾ​ക്ക് സം​ശ​യ​ങ്ങ​ൾ ദു​രീ​ക​രി​ക്കുന്നതിനും മാർഗനിർദേശം ലഭിക്കുന്നതിനും സാധിക്കുമെന്ന് എ​ൽ.​എം.​ആ​ർ.​എ അറിയിച്ചു.