കുവൈറ്റ്‌ മലയാളി സമാജത്തിന്‍റെ ചാർട്ടേർഡ് വിമാന യാത്രയ്ക്ക് തുടക്കമായി

കുവൈറ്റ് സിറ്റി‌ : കേരളത്തിലേക്കുള്ള പ്രവാസികളുമായി കുവൈറ്റ്‌ മലയാളി സമാജത്തിന്‍റെ ആദ്യ വിമാനം ജസീറ എയർവെയ്‌സ് വിമാനം നെടുമ്പാശ്ശേരി വിമാനത്താവളത്തിൽ എത്തി. കോവിഡ് 19 പ്രതിസന്ധി കാരണം കുവൈറ്റിൽ കുടുങ്ങിയ മലയാളികളെ നാട്ടിലെത്തിക്കുന്നതിന്റെ ഭാഗമായി കുവൈറ്റ്‌ മലയാളി സമാജവും (KMS) ഒമേഗ ട്രാവെൽസയുമായി സഹകരിച്ചാണ് സംഘടനയിൽ രജിസ്റ്റർ ചെയ്തവരിൽ നിന്നും മുൻഗണന ലിസ്റ്റ് പ്രകാരം യാത്രക്കുള്ളവരെ തിരഞ്ഞെടുത്തത്. ഗർഭിണികൾ, ജോലി നഷ്ടപ്പെട്ടവർ, രോഗികളായവർ, തുടർപഠനത്തിന് പോകേണ്ട വിദ്യാർത്ഥികൾ, വിസിറ്റ് വിസയിൽ വന്നവർ കൂടാതെ സ്ത്രീകളും, കുട്ടികളുമാണ് ഒന്നാം ചാർട്ടേർഡ് വിമാനത്തിൽ യാത്ര ചെയ്‌തത്‌. യാത്ര ചെയ്തവർ കുവൈറ്റ്‌ മലയാളി സമാജം സംഘാടകർക്ക് നന്ദി അറിയിച്ചു. 162 യാത്രക്കാരായിരുന്നു ആദ്യ യാത്രയിൽ ഉണ്ടായിരുന്നത്.