മനാമ: കൊല്ലം പ്രവാസി അസ്സോസിയേഷൻ ബുദ്ധയ ഏരിയ സമ്മേളനം ബുദ്ധയ റോളഫ് റെസ്റ്റോറന്റ് ഹാളിൽ വച്ച് നടന്നു. ഏരിയാ ട്രെഷറർ സുജിത്ത് ചന്ദ്രശേഖരൻ അധ്യക്ഷത വഹിച്ച പ്രതിനിധി സമ്മേളനം കൊല്ലം പ്രവാസി അസോസിയേഷൻ വൈസ് പ്രസിഡണ്ട് ബിനു ക്രിസ്റ്റി ഉദ്ഘാടനം ചെയ്തു. ട്രഷറർ സുജിത്ത് ചന്ദ്രശേഖരൻ ഏരിയാ റിപ്പോർട്ടും സാമ്പത്തിക റിപ്പോർട്ടും അവതരിപ്പിച്ചു. റിപ്പോർട്ടിന്മേലുള്ള ചർച്ചകൾക്ക് ഏരിയാ കോർഡിനേറ്ററും കൊല്ലം പ്രവാസി അസോസിയേഷൻ സെക്രട്ടറിയുമായ ആർ. കിഷോർ കുമാർ നേതൃത്വം നൽകി. കെ പി എ വൈസ് പ്രസിഡണ്ട് ബിനു ക്രിസ്റ്റി വരണാധികാരിയായി 2022 – 2024 ലേക്കുള്ള ഏരിയാ കമ്മിറ്റിയുടെ തിരഞ്ഞെടുപ്പ് നടന്നു.
ഏരിയ പ്രസിഡന്റ സുജിത്ത് ചന്ദ്രശേഖരൻ, വൈസ് പ്രസിഡന്റ അനിൽകുമാർ ടി എസ്, സെക്രട്ടറി ഗോപൻ പുരുഷോത്തമൻ, ജോയിൻ സെക്രട്ടറി അജ്മൽ ഹാഷിം, ട്രഷറർ വിജോ വിജയൻ എന്നിവരെ തെരഞ്ഞെടുത്തു. പ്രസാദ് കൃഷ്ണൻകുട്ടിയേ കൊല്ലം പ്രവാസി അസോസിയേഷൻ വൈസ് പ്രസിഡന്റ്‌ വിനു ക്രിസ്റ്റി സെൻട്രൽ കമ്മിറ്റി പ്രതിനിധിയായി തിരഞ്ഞെടുത്ത വിവരം അറിയിച്ചു. ഏരിയ വൈസ് പ്രസിഡണ്ട് അനിൽകുമാർ ടി എസ് സ്വാഗതമാശംസിച്ച സമ്മേളനത്തിനു നിയുക്ത ഏരിയാ സെക്രട്ടറി ഗോപൻ പുരുഷോത്തമൻ നന്ദി രേഖപ്പെടുത്തി.
