കൊല്ലം: ഓയൂര് മരുതമണ്പള്ളി കാറ്റാടിയില്നിന്ന് ആറുവയസ്സുകാരിയെ തട്ടിക്കൊണ്ടുപോയ കേസിലെ പ്രതികളെ പൂയപ്പള്ളി പോലീസ് ഉടന് കസ്റ്റഡിയില് വാങ്ങും. തിങ്കളാഴ്ച കൊട്ടാരക്കര കോടതിയില് അപേക്ഷ നല്കും. തുടരന്വേഷണത്തിനുള്ള രൂപരേഖ തയ്യാറാക്കാന് ഉന്നത പോലീസ് ഉദ്യോഗസ്ഥരുടെ യോഗവും വൈകാതെ ചേരും. കാറ്റാടിയില്നിന്ന് കുട്ടിയെ കൂട്ടിക്കൊണ്ടുപോയതുമുതല് ആശ്രാമം മൈതാനത്ത് ഉപേക്ഷിച്ചതുവരെയുള്ള സംഭവങ്ങള് കൂട്ടിയോജിപ്പിച്ച് വ്യക്തത വരുത്താനാണ് പോലീസിന്റെ ഇനിയുള്ള ശ്രമം. പ്രതി പദ്മകുമാറുമായി സാമ്പത്തിക ഇടപാടുകളുള്ളവരുടെ മൊഴിയെടുക്കും. തമിഴ്നാട്ടിലെ ബന്ധങ്ങളും പരിശോധിക്കും. സംഭവം നടന്നയിടങ്ങളിലെല്ലാം പ്രതികളെ എത്തിച്ച് തെളിവെടുക്കും. സംഭവത്തില് ആദ്യം പോലീസ് പുറത്തുവിട്ട രേഖാചിത്രത്തെപ്പറ്റിയുള്ള ദുരൂഹത നീങ്ങിയിട്ടില്ല. കുട്ടിയെ ആശ്രാമത്ത് ഉപേക്ഷിച്ചതിനുപിന്നില് മറ്റുതരത്തിലുള്ള ഇടപെടലുണ്ടായതായും സംശയമുണ്ട്. ഇതിനായാണോ പദ്മകുമാറും കുടുംബവും തമിഴ്നാട്ടിലേക്ക് പോയതെന്ന കാര്യവും അന്വേഷണപരിധിയിലുണ്ട്.പൂയപ്പള്ളി എസ്.എച്ച്.ഒ.യാണ് നിലവില് അന്വേഷണ ഉദ്യോഗസ്ഥന്. തുടരന്വേഷണത്തിന് പ്രത്യേക സംഘത്തെ നിയോഗിക്കുന്നത് ഉള്പ്പെടെയുള്ള കാര്യങ്ങളില് തിങ്കളാഴ്ച തീരുമാനമുണ്ടാകും.
Trending
- വിമാനത്താവളത്തിൽ വാക്കുതർക്കം; നടൻ വിനായകൻ ഹെെദരാബാദ് പൊലീസ് കസ്റ്റഡിയിൽ
- ആര്.എസ്.എസ് നേതാവ് രാംമാധവിനെയും എ.ഡി.ജി.പി കണ്ടു; വിവാദം കടുക്കുന്നു
- മാമിയുടെ തിരോധാനം: അന്വേഷണം ക്രൈംബ്രാഞ്ചിന് കൈമാറി
- ജിഎംഎഫ് യാദെ റാഫി 2024 ഓർമ്മദിനം
- ഐ.വൈ.സി.സി ബഹ്റൈൻ ഹമദ് ടൌൺ ഏരിയ കമ്മിറ്റി സൗജന്യ മെഡിക്കൽ ക്യാമ്പ് സംഘടിപ്പിച്ചു
- എഡിജിപി-ആർഎസ്എസ് നേതാവ് കൂടിക്കാഴ്ച ദുരൂഹം; കെസി വേണുഗോപാൽ
- എഡിജിപി ആർഎസ്എസ് നേതാവിനെ കണ്ടത് വിഡി സതീശന് വേണ്ടി; പുനർജനി കേസിൽ ഇഡി അന്വേഷണത്തിന് വെല്ലുവിളി; പിവി അൻവർ
- സിപിഎമ്മിൽ കൊട്ടാര വിപ്ലവം; കള്ളകടത്തു പങ്കു വെക്കുന്നതിലെ തർക്കം ഇപ്പോൾ നടക്കുന്നത്. കെ സുരേന്ദ്രന്