വൈദ്യുതി ലൈനില്‍ നിന്ന് ഷോക്കേറ്റ് കാട്ടാന ചരിഞ്ഞു

പാലക്കാട്: പാലക്കാട് പുതുശ്ശേരി വേനോലിയില്‍ വൈദ്യുതി ലൈനില്‍ നിന്ന് ഷോക്കേറ്റ് കാട്ടാന ചരിഞ്ഞു. പാടശേഖരത്തിലിറങ്ങിയ കാട്ടാന മരം മറിച്ചിട്ടപ്പോള്‍ വൈദ്യുതി ലൈനില്‍ തട്ടി ഷോക്കേല്‍ക്കുകയായിരുന്നു.പുതുശ്ശേരി വേനോലിയിലെ സ്വാമിനാഥന്റെ നെല്‍വയലിലാണ് കാട്ടാന ചെരിഞ്ഞത്. നെല്‍വയലിലേക്കിറങ്ങിയ വയലിനു ചുറ്റും സ്ഥാപിച്ച സുരക്ഷ വേലി മറികടക്കാനായി മരം മറിച്ചിടുകയായിരുന്നു.
മരം വൈദ്യുതി ലൈനില്‍ പതിച്ച്‌ തകര്‍ന്നു വീണാണ് ഷോക്കേറ്റത്. ചെരിഞ്ഞ കൊമ്ബന് ഏകദേശം മുപ്പത് വയസ്സുണ്ട്. വാളയാര്‍ മുതല്‍ മുണ്ടൂര്‍ വരെയുള്ള പ്രദേശങ്ങളില്‍ ജനവാസ മേഖലയിലിറങ്ങുന്ന കാട്ടാനകള്‍ നാശനഷ്ടമുണ്ടാക്കുന്നത് പതിവാണ്.