തിരുവനന്തപുരം: എയര്പോര്ട്ടിലെത്തുന്ന പ്രവാസികളൾക്ക് വിദഗ്ധ ചികിത്സ ഉറപ്പാക്കാന് ആരോഗ്യ വകുപ്പ് സജ്ജമാണെന്ന് ആരോഗ്യ വകുപ്പ് മന്ത്രി കെ.കെ. ശൈലജ ടീച്ചര് അറിയിച്ചു.
വളരെ നേരത്തെ രോഗബാധിതരെ കണ്ടെത്തുന്നതിനും അവര്ക്ക് വിദഗ്ധ ചികിത്സ ഉറപ്പാക്കാനും അതിലൂടെ രോഗ വ്യാപനം തടയുന്നതിനായി മുഖ്യമന്ത്രിയുടെ നിര്ദേശ പ്രകാരം വിപുലമായ സംവിധാനമാണ് ഒരുക്കിയിരിക്കുന്നത്. ഇതിന്റെ ഭാഗമായി എയര്പോര്ട്ടുകളില് ആന്റിബോഡി ടെസ്റ്റുകള് നടത്തുന്നതിനായുള്ള കിയോസ്കുകള് സ്ഥാപിച്ചിട്ടുണ്ട്. എച്ച്.എല്.എല്.മായി സഹകരിച്ചാണ് കിയോസ്കുകള് സ്ഥാപിച്ചിരിക്കുന്നത്.
തിരുവനന്തപുരം, എറണാകുളം, കോഴിക്കോട്, കണ്ണൂര് എയര്പോട്ടുകളിലാണ് ആന്റിബോഡി ടെസ്റ്റിനുള്ള കിയോസ്കുകള് സ്ഥാപിച്ചത്. യാത്രക്കാരുടെ എണ്ണത്തിനനുസരിച്ച് എയര്പോര്ട്ടുകളില് 5 മുതല് 10 വരെ കിയോസ്കുകള് ഒരുക്കുന്നതാണ്. കോവിഡ് ടെസ്റ്റ് നടത്താന് കഴിയാതെ വരുന്ന യാത്രക്കാര്ക്കാണ് പ്രധാനമായും എയര്പോര്ട്ടില് ആന്റിബോഡി ടെസ്റ്റ് നടത്തുന്നത്.