കീം 2022 രണ്ടാം ഘട്ട അലോട്ട്മെന്റ് പ്രൊവിഷണൽ ലിസ്റ്റ് പുറത്ത്

ഡൽഹി: കേരള എൻജിനീയറിങ് ആർക്കിടെക്ചർ മെഡിക്കൽ (കീം) രണ്ടാം ഘട്ട അലോട്ട്‌മെന്റിന്റെ പ്രൊവിഷണൽ ലിസ്റ്റ് കേരള എൻട്രൻസ് കമ്മീഷണറുടെ (സിഇഇ) ഓഫീസ് പ്രസിദ്ധികരിച്ചു. വിദ്യാർത്ഥികൾക്ക് ഔദ്യോ​ഗിക വെബ്‌സൈറ്റിൽ അലോട്ട്മെന്റിന്റെ പ്രൊവിഷണൽ ലിസ്റ്റ് പരിശോധിക്കാം. ലഭ്യമായ സീറ്റുകളുടെ എണ്ണം, കീം പ്രവേശന പരീക്ഷയിൽ ഉദ്യോഗാർത്ഥികൾ നേടിയ മാർക്ക് എന്നിവയുടെ അടിസ്ഥാനത്തിലാണ് കീം 2022 ഘട്ടം-2 പ്രൊവിഷണൽ ലിസ്റ്റ്. പ്രൊവിഷണൽ ലിസ്റ്റിലെ പരാതികൾ പരിഗണിച്ച ശേഷമായിരിക്കും അന്തിമ പട്ടിക ലഭ്യമാക്കുക. കീം 2022 സീറ്റ് അലോട്ട്‌മെന്റ് ഒന്നാം ഘട്ടം സെപ്റ്റംബർ 22ന് പുറത്തിറക്കിയിരുന്നു.