കൊല്ലം കടയ്ക്കലിലെ പോലീസുകാരന്റെ മരണത്തിൽ ഒരാള്‍ അറസ്റ്റില്‍

കൊല്ലം: കടയ്ക്കലില്‍ പോലീസ് ഉദ്യോഗസ്ഥന്‍ മരിച്ച സംഭവത്തില്‍ പോലീസുകാരനൊപ്പം മദ്യപിച്ച സംഘത്തിലെ വിഷ്ണു അറസ്റ്റില്‍.നാലംഗ സംഘം കുടിച്ചത് ആശുപത്രി ആവശ്യങ്ങള്‍ക്ക് ഉപയോഗിക്കുന്ന സ്പിരിറ്റാണെന്ന് അന്വേഷണത്തില്‍ കണ്ടെത്തി. വെള്ളിയാഴ്ച രാത്രി സ്പിരിറ്റ് എത്തിച്ചത് വിഷ്ണുവാണെന്ന് കണ്ടെത്തിയതിന്റെ അടിസ്ഥാനത്തിലാണ് നടപടി. അതേസമയം, കേസ് അന്വേഷണത്തിന് പ്രത്യേക അന്വേഷണ സംഘത്തെ നിയോഗിച്ചതായി കൊല്ലം റൂറല്‍ എസ്പി അറിയിച്ചു.