മനാമ: ഐ വൈ സി സി ദേശീയ കമ്മറ്റിയുടെ ആഭിമുഖ്യത്തിൽ 50 മത് ബഹ്റൈൻ ദേശീയ ദിനം വിപുലമായി ആഘോഷിച്ചു. 2 മണിയോട് കൂടി ഗ്രാന്റ് മോസ്ക് പരിസരത്ത് നിന്ന് ആരംഭിച്ച റോഡ് ഷോ പ്രധാന സ്ഥലങ്ങൾ ചുറ്റി പ്രകൃതിയുടെ പ്രതിഭാസമായ ട്രീ ഓഫ് ലൈഫിൽ സമാപിച്ചു. തുടർന്ന് നടന്ന സമാപന ചടങ്ങ് ദേശീയ അദ്യക്ഷൻ ജിതിൻ പരിയാരം ഉദ്‌ഘാടനം ചെയ്യ്തു. ചാരിറ്റി വിങ് കൺവീനർ ഷഫീക് കൊല്ലം ബഹറിന്റെ ചരിത്രത്തെപ്പറ്റി പ്രഭാഷണം നടത്തി. ജനറൽ സെക്രട്ടറി ബെൻസി ഗനിയുഡ് വസ്റ്റ്യൻ സ്വാഗതവും, ദേശീയ ട്രഷറർ വിനോദ് ആറ്റിങ്ങൽ നന്ദിയും പറഞ്ഞു. ഫാമിലികൾ അടക്കം നിരവധി പ്രവർത്തകർ അവരുടെ വാഹനങ്ങളുമായി വന്ന് പങ്കാളികളായി.
