മനാമ: ഇന്ത്യൻ കമ്മ്യൂണിറ്റി റിലീഫ് ഫണ്ട് സംഘടിപ്പിച്ച വാർഷിക ആർട്ട് കാർണിവലിനെ പിന്തുണച്ച സ്പെക്ട്ര 2022 സ്പോൺസർമാരെയും സ്കൂൾ കോർഡിനേറ്റർമാരെയും സന്നദ്ധപ്രവർത്തകരെയും ആദരിക്കുന്നതിനായി നന്ദി അറിയിക്കൽ ചടങ്ങ് നടത്തി. എംബസി ഹാളിൽ നടന്ന പരിപാടിയിൽ 150 ഓളം പേർ പങ്കെടുത്തു. ഇന്ത്യൻ അംബാസിഡർ പീയൂഷ് ശ്രീവാസ്തവ ചടങ്ങിൽ മുഖ്യാതിഥിയായിരുന്നു. പീയൂഷ് ശ്രീവാസ്തവ ചടങ്ങിൽ സ്‌പോൺസർമാർക്ക് മെമന്റോകളും സ്കൂൾ കോ-ഓർഡിനേറ്റർമാർക്കും വോളണ്ടിയർമാർക്കും മെഡലുകളും സമ്മാനിച്ചു. എംബസിയിലെ സെക്കൻഡ് സെക്രട്ടറി രവിശങ്കർ ശുക്ലയും എല്ലാ ഐസിആർഎഫ് അംഗങ്ങളും ആഘോഷത്തിൽ പങ്കെടുത്തു.