മനാമ: ബഹ്റൈന് നീതിന്യായ, ഇസ്ലാമിക കാര്യ, എന്‍ഡോവ്മെന്റ് മന്ത്രി നവാഫ് ബിന്‍ മുഹമ്മദ് അല്‍ മൗദയും ഇന്ത്യന്‍ അംബാസഡര്‍ വിനോദ് കുര്യന്‍ ജേക്കബും കൂടിക്കാഴ്ച നടത്തി.
ബഹ്റൈനും ഇന്ത്യയും തമ്മിലുള്ള ചരിത്രപരമായ ബന്ധം മന്ത്രി എടുത്തുപറഞ്ഞു. വിവിധ മേഖലകളിലുടനീളമുള്ള ഇരു രാജ്യങ്ങളുടെയും ബന്ധം വികസിച്ചുകൊണ്ടിരിക്കുന്നതായും മന്ത്രി പറഞ്ഞു.
നീതിന്യായ മേഖലയിലെ വൈദഗ്ധ്യത്തിന്റെ കൈമാറ്റം വര്‍ദ്ധിപ്പിക്കുന്നതിനുള്ള സഹകരണ മേഖലകളും മാര്‍ഗങ്ങളും കൂടിക്കാഴ്ചയില്‍ അവലോകനം ചെയ്തു.
